Tevgera Hîlala Zêrîn berxwedana Îmraliyê silav kir

Tevgera Hîlala Zêrîn berxwedana Rêber Abdullah Ocalan û berxwedana gerîlayan silav kir û banga şikandina tecrîdê û pêkanîna azadiya fîzîkî ya Rêber Abdullah Ocalan kir.

ROJANE

13 sibat, 2024 17:25

HESEKÊ

Tevgera Hîlala Zêrîn der barê komploya navneteweyî ya li dijî Rêber Abdullah Ocalan de li navenda Xabûr a Çand û Hunerê ya li Hesekê daxuyaniyek da. Endama rêvebera Tevgera Hîlala Zêrîn Sîmav Ebdî daxuyanî xwend.

Di daxuyaniyê de berxwedana Îmraliyê hate silavkirin û komploya navneteweyî ya di 1999ˊan de li dijî Rêber Abdullah Ocalan pêk hatiye û hêzên beşdarî komployê bûne hatin şermezarkirin.

Her wiha berxwedana Rêber Abdullah Ocalan û berxwedana gerîlayên azadiyê hatin silavkirin.

Di daxuyaniyê de banga rakirina tecrîdê û pêkanîna azadiya fîzîkî ya Rêber Abdullah Ocalan hat kirin.

Tevgerê di daxuyaniya xwe de got ew ê heta pêkanîna azadiya fîzîkî ya Rêber Abdullah Ocalan tê bikoşin, her wiha bang li hunermend, nivîskar, rewşenbîrê û azadîhezan kir ku tev li têkoşîn û şoreşa azadiyê bin.

Piştî daxuyanî hat xwendin koma Meşaleyên Azadiyê şanoyek li ser berxwedana girtîgehan pêşkêş kir.

(fr)

ANHA