Tevgera Ciwanên Şoreşger konferansa xwe ya 3'emîn li dar xist

Îro li kantona Şehbayê Tevgera Ciwanên Şoreşger a kantona Efrîn û Şehbayê konferansa xwe ya 3’yemîn bi dirûşma “Bi vejîna ciwanan xwe rêxistin bike, Rêber APO azad bike” hate lidarxistin.

Konferans li Hola Çand û Hunerê li navçeya Ehdas hat lidarxistin. Di konferansê de bi sedan ciwanên Kurd û Ereb her wiha rêxistin, sazî û tevgerên li kantonê beşdar bûn.

Di konferansê de perspektîfên Rêber Abdullah Ocalan der barê ciwanan de ji hêla endamê Tevgera Ciwanên Şoreşger Şêxo Mistefa ve hate xwendin.

 Her wiha axaftina destpêkê û rewşa siyasî ya li Rojhilata Navîn, ji hêla Koordansyona Ciwanan a Herêma Bakur û Rojhilatê Suriyeyê Koçer Bawer ve hate nirxandin.

Koçer Bawer bal kişand ser girîngiya îdeolojiya Rêber Abdullah Ocalan û girîngiya konferansê ku di demeke wiha de hatiye lidarxistin û wiha got: “Li ser bingeha îdeolojiya Rêber Apo xeta têkoşînê di nava civakê de pandora xwe pelav bûye. Bi projeya Rêber Apo ya neteweya demokratîk Kurd û doza azadiya Kurdistanê muhra xwe li dîrokê xistiye. Li Herêmên Parastinê yên Medyayê dijmin derbeyên giran dixwin."

Dawiyê jî rapora 2 salan ji hêla endama rêvebera Yekitiya Jinên Ciwan a kantona Efrîn û Şehba Zeyneb Îbrahîm ve hate xwendin. Her wiha li ser kar û xebata 2 salan sînevîzyonek hat pêşkêşkirin.

ANHA