Sersaxî ji malbata şehîd Soro Berxwedan re hat xwestin
Şêniyên kantona Efrîn-Şehba sersaxî da malbata şehîdê Hêzên Rizgariya Efrînê Soro Berxwedan (Mihemed Hesen).
Şêniyên kantona Efrîn-Şehbayê sersaxî dan malbata şervanê Hêzên Rizgariya Efrînê (HRE) Soro Berxwedan (Mihemed Hesen) ku 9`ê Tebaxa 2024`an şehîd bûbû.
Merasîma sersaxiyê li bajarokê Ehdas ê kantona Efrîn û Şehbayê hate lidarxistin.
Endamê Meclisa Malbatên Şehîdan a kantona Efrîn û Şehbayê Xelîl Îso axivî û sersaxî da malbata şehîd.
Îso wiha domand: "Em di şexsê şehîd de, tevahî şehîdan bi bîr tînin. Heya vegera li Efrînê em ê li ber xwe bidin. Em hêza berxwedanê ji fedakariyên şehîdan digirin."
Endama Meclisa bajarokê Ehdasê Ranya El Hesen jî axivî û soza domandina xeta şehîdan da.
Cenazeyê şehîd Soro Berxwedan duh (10`ê Tebaxê) bi merasîmeke bi heybet li Pakrewangeha Şehîd Sozdar Amanos a li bajarokê Fafînê hatibû veşartin.
(şx)
ANHA
