Şêniyên Şedadê şehîdekî xwe oxir kir

Şêniyên navçeya Şedadê cenazeyê endamê Hêzên Ewlekariya Hundirîn Elî Salih El Elî oxir kir û soza bilindkirina alaya şehîdan da.

ROJANE

30 cotmeh, 2023 15:40

HESEKÊ

Cenazeyê şehîd Elî Salih El Elî ji aliyê şêniyên navçeya Şedadê û endamên saziyên sivîl ên girêdayî Rêveberiya Xweser a Bakur û Rojhilatê Sûriyeyê ve li pakrewangeha li navçeyê hat oxirkirin.

Elî Salih El Elî duh dema ku erka xwe pê dianî ji aliyê şaneyan ve hatibû hedefgirtin û şehîd bibû.

Merasîmê bi rêzgirtinê û torana leşkerî dest pê kir. Piştre endamê rêveberiya Hêzên Ewlekariya Hundirîn a Şedadê Nacî Şeîr axivî. Nacî Şeîr sersaxî ji malbata şehîd re xwest û got: “Şehîd Elî erka xwe bi temamî pêk anî. Ew beşdarî operasyonên rizgarkirinê û operasyonên tunekirina terorê bû.”

Endamê Meclisa Malbatên Şehîdan a navçeya Şedadê Ebdulmecîd Etiye jî axivî û bal kişand ser fedakariyên şehîdan. Etiye soza da ku ew ê alaya şehîdan bilind bikin û têkoşîna wan a ji bo pêkanîna aramî û edaletê bidomînin.

Piştî axaftinan wesîqeya şehîd hat xwendin û radestî malbata wî hat kirin. Cenazeyê şehîd di nava tilîliyên dayikan de hat veşartin.

(c)

ANHA