Şêniyên Reqayê şehîd Ebdulsamad El Hemûd oxir kir

Şêniyên Reqayê bi merasîmeke bi heybet şervanê Hêzên Ewlekariya Hundirîn Ebdulsamad El Hemûd li Goristana  Şehîdan a gundê Hikumiye yê bakurê bajarê Reqayê oxir kir. 

Şervanê Hêzên Ewlekariya Hundirîn Ebdulsamad El Hemûd di êrişeke bi guleyan de dema gel û axa xwe diparast 6`ê Sibatê li Reqayê şehîd bûbû.

Endamên Hêzên Ewlekariya Hundirîn, Hêzên Sûriya Demokratîk (QSD), nûnerên Rêveberiya Xweseriya Demokratîk a Bakur û Rojhilatê Sûriyeyê, rûspiyên êlan, Kombûna Jinan a Zenûbya, meclis, komîn û partî tev li merasîma oxirkirinê bûn.

Di merasîmê de ji fermandarên Hêzên Ewlekariya Hundirîn a Kantona Reqayêp Salim El Sabr axivî û got: "Em mizginiyekê didim we ku hêzên me çeteyên ku hevalê me Ebdulsamad şehîd xistine, hatin girtin. Em ê wan radestî edaletê bikin ji bo ku cezayê adil bibin. Em soz didin şehîd Ebdulsamad û tevahî şehîdan ku parastina herêmên xwe ji terorê berdewam bikin."

Hevseroka Rêxistinên Civaka Demokratîk Rûdîn Mihemed jî fedakariyên şehîdan silav kir û got: "Şoreşa me şoreşeke modern û şaristanî ye ku jin pêşengiya wê dike û ji bo azadî û rastiyê tê dikoşe."

Dûre endama Meclisa Malbatên Şehîdan a kantona Reqayê Nadye El Ehmed wesîqeya şehadeta şehîd xwend û radestî malbatê kir.

Piştre girseya gel cenazeyê şehîd li goristanê veşart.

(şx)

ANHA