Şehîdê Hêzên Erka Xweparastinê Ednan El Ebdullah hat oxirkirin

Bi tevlêbûna bi sedan kesî cenazeyê şervanê Hêzên Ekra Xweparastinê Ednan El Ebdullah li Goristana Şehîdan a Minbicê hat veşartin.

ROJANE

2 kanûn, 2023 17:38

MINBIC

Bi sedan şêniyên Minbicê cenazeyê şervanê Hêzên Erka Xweparastinê şehîd Ednan El Ebdullah li Goristana Şehîdan a li başûrê bajar spart axê.

Di merasîmê de endama Meclisa Malbatên Şehîdan a Minbic û Gundewarê wê Sebah El Mirî soza şopandina xeta şehîdan da û got: "Em li vî cihê pîroz bi serbilind û bi sekna rumetê şehîdek ji şehîdên azadî û berxwedanê oxir dikin."

Endamê Nivîsgeha Parastinê ya Minbicê Lûey El Elî jî axivî, destnîşan kir ku şehîd berpirsyariya parastina gel û xaka xwe girtin ser milê û ji bo avakirina Sûriyeke demokratîk a pirrengî tê koşiyan.

El Elî anî ziman ku dê berxwedana parastina gel û welat bidomînin.

Wesîqeya şehadetê ya şehîd ji aliyê endamê Meclisa Malbatên Şehîdan Hesen Hisên ve hat xwendin û radestî malbata wî hat kirin.

Hevreyên şehîd cenaze hilgirt ser milê xwe û bi dirûşmên dilsoziya bi şehîdan re spart axê.

(bb)

ANHA