Piştî çend salan ji qedexeyê agirê Newrozê li çiyayê Kokebê hat pêxistin
Piştî qedexeya bi dehan sal a ku rejîma Baas li dijî şahiyên Newrozê dida meşandin, careke din agirê Newrozê li çiyayê Kokebê hat dadan.
Rejîma Baas’ê bi dehan salan şahiyên Newrozê yên ku şêniyên Hesekê li çiyayê Kokebê li dar dixistin, qedexe dikirin. Lê îro piştî bi dehan salan careke din bi sedan şênî bi meşaleyan ber bi çiyayê Kokebê ve hilkişiyan.
Di şahiyê de siloganên bibîranîna şehîdan û silavkirina Rêber Abdullah Ocalan hatin berzkirin û govend hatin gerandin.
SEMBOLÎKBÛNA ŞAHIYA NEWROZÊ
Beşdarekî şahiyê diyar kir ku Newroz yekbûna pêkhateyên herêmê nîşan dide û dadana agirê Newrozê li çiyayê Kokebê peyama îsrarê û girêdana bi nasname û çandê ve, nîşan dide.
TEQEZIYA YEKBÛN Û PIRRENGIYÊ
Vê şahiyê teqezî bi yekbûna pêkhateyên bajarê Hesekê û pirrengiya wê da.b
Beşdareke şahiyê got: "Newroz cejna hemûyan e û hêviyên me yên pêşerojeke baştir a Sûriyeyê nîşan dide."
(mh/fr)
ANHA
