Pêşangeha pirtûkan didome
Pêşangeha Pirtûkan a Şehîd Herekol a 8`an bi serdanên nivîskar, rewşenbîr û kadroyên tenduristiyê di roja xwe ya pêncemîn de dewam dike.
Pêşangeha Pirtûkan a Şehîd Herekol a 8`an bi serdana bi sedan hezkerên xwendinê, rewşenbîr, nivîskar, wêjevan, lêkolîner, siyasetmedar, xwendekar, ciwan, kadroyên tenduristiyê, nûnerên ji Rêveber Xweser û saziyên civaka sivîl yên ji pêkhateyên Bakur û Rojhilatê Sûriyeyê di roja xwe ya pêncemîn de dewam dike.
Pêşangeh 15`ê Cotmehê di bin dirûşma “Ka em xwendinê bikin şêweyekî jiyanê” li hola Zana ya bajarê Qamişlo dest pê kiribû û ew ê heta 22`yê Cotmehê dewam bike.
Li gorî bernameya pêşangehê dê danê êvarê bi sernavê “Pêşangeha Pirtûkan a Şehîd Herekol: Rewş, Nêrîn û Asoyên Siberojê” panel saet di 17:30`an de bê lidarxistin, piştre dê 2 pirtûk werin îmzekirin û belavkirin.
(sb)
ANHA
