Li Hesekê hîna pirsgirêka avê çareser nebûye

Li bajarê Hesekê ava Elok ji ber pirsgirêkên şebekeyên avê nagihîje hemû mal û taxan, şênî neçar dimînin ku avê ji tankeran bikirin.

CIVAK Û JIYAN

28 tebax, 2026 07:50

HESEKÊ

CÎHAN MIHEMED

Şêniyên Hesekê gotin hîna pirsgirêka avê bi temamî nehatiye çareserkirin û ew neçar dimînin ku avê bikirin. Hinek malbat 5 bermîlan bi 50 hezar lîreya Sûriyeyê dikirin û hinekî jî bi 60 hezar lîreyî dikirin.

Mihemed Mihemed got: "Piştî salên 7 salan ava elokê berdan û em gelekî kêfxweş bûn, bi taybet ava Elok paqij e, lê naghîjê hemû taxan, li hinek taxan jî tenê 2 caran ava vexwarinê hat û hinek taxan tenê yek carê hatiye, ew xetên avê yên şikestine hîna çênekirine û hinek mal jî cihê wan bilinde av nagihîjê wan. Ji ber ava vexwarinê sîstematîk nayê xelk neçar dimîne ku avê bikirin."

Ehmed Abdullah jî got: "Mala me li taxa El Neşwa El Xerbiyê ye, av tenê digihîjê kolana giştî û naghîjê me. Em neçar dimînin 5 bermîlên avê bi 50-60 hezar lîreyan bikirin. Hinek malbatan bê ku agahî bidin daîreya avê xeta avê ji xwe re kişandin."

Ji taxa Til Hecer jî Ferhad Ehmed axivî û got: "Li kolana me av tenê digihîje çend malan, rê bilind e, av nagihîjê me û hinek xetên avê şikestine. Ev hefteyeke ava me nayê û em avê dikirin."

(np)

ANHA