Li Çilaxa belavakirina belavokên li ser jiyana Reber Abdullah Ocalan

Însiyatîfa Gel a Navçeya Çilaxa belavokên balê dikişînin ser jiyana Rêber Abdullah Ocalan li şêniyan belav dike. Hate diyarkirin ku heta niha 2 hezar belavok hatine belavkirin.

ROJANE

8 nîsan, 2024 12:51

QAMIŞLO

Însiyatîfa Gel a Navçeya Çilaxa ya Kantona Cizîrê di çarçoveya pêngava bi daxwaza azadiya fizîkî ya Rêber Abdullah Ocalan de, belavokan li ser jiyana Rêber Abdullah Ocalan li şêniyan belav dike.

Endamên saziyên sivîl, Meclisa Malbatên Şehîdan, Meclisa Navçeya Çilaxa, Tevgera Ciwanên Şoreşger a Sûriyeyê, Yekitiya Jinên Ciwan û Kongra Star di belavkirina belavokan de cih girt.

Belavok bi zimanên erebî û kurdî ji aliyê Akademiya Zanistên Civakî ya Abdullah Ocalan ve hatibûn amadekirin û eleqeyeke mezin a şêniyan jê re çêbû.

Endama Meclisa Navçeya Çilaxa Emel Nezal ku beşdarî belavkirina belavokan bûye, ji ajansa me re axivî û diyar kir ku wan heta niha 2 hezar belavok belav kirine û da zanîn ku belavkirina belavokan dê heta êvarê dewam bike.

Emel Nezal anî ziman ku ew amade ne beşdarî tevahî çalakiyên ku ji bo azadiya fîzîkî ya Rêber Abdullah Ocalan bibin û û got: "Em deyndarên Rêbertî ne."

(bb)

ANHA