Kampanya “Qamişlo Bajarê Paqijiyê ye ” li dibistanan pêk tê

Kampanyaya paqijiyê ya bi navê "Qamişlo Bajarê Paqijiyê ye" ya ku 13‘ê Tebaxê ji aliyê Gerînendetiya Herêma Qamişloyê ve hatiye destpêkirin, derbasî dibistanan bû.

CIVAK Û JIYAN

27 tebax, 2026 11:09

QAMIŞLO

Kampanyaya paqijiyê ya ku Gerînendetiya Herêma Qamişlo ji 13`ê Tebaxê de, bi boneya sedsaliya damezrandina Qamişloyê, di dirûşma “Qamişlo Bajarê Paqijiyê” dest pê kiriye berdewam dike.

Kampanya îro bi beşdariya mamoste û çavdêriya Meclisa Taxa Hilêliyê li dibistanan dest pê kir.

Li dibistana Şehîd Mustefa Gulo ya li taxa Hilêliyê bi tevlîbûna mamosteyan û Gerînendeya Herêma Qamişlo Cîhan Hessam qad û hundirê dibistanê hat paqijkirin.

Kampanya li dibistanan, bi armanca çêkirina derfeteke perwerdeyê ya baş, paqij û birêxistinkirî, pêşxistina hevkariyê û berpirsyartiya hevbeş, di çarçoveya amdekariyên sala xwendinê ya nû de pêk tê.

Dewama îdarî ya dibistanan 16`ê Tebaxê dest pê kiribû, tomarkirina navên xwendekaran ji bo sala nû ya xwendinê di 1`ê Îlonê de dest pê dike, dewama xwendekaran jî 6`ê Îlonê dest pê dike.

(sb)

ANHA