Ji bo şehîd Şaho Dalaho merasîmeke xiyabî hate lidarxistin

Di merasîma oxirkirina şehîd Şaho Dalaho de şêniyan teqezî bi berxwedana şehîd li hemberî çeteyên Cebhet El Nusra û DAIŞ`ê û Herêmên Parastinê ya Medyayê li Başûrê Kurdistanê li hemberî dewleta Tirk a dagirker kir.

ROJANE

10 adar, 2024 16:16

HESEKÊ

Bi sedan şêniyên bajarê Hesekê, endamên saziyên sivîl, leşkerî tev li merasîma xiyabî ya ku Meclisa Malbatên Şehîdan ji bo şehîdê HPG`ê Şaho Dalaho (Azad Hesen) li dar xistiye, bûn.

Şehîd Şaho li herêma Zapê ya Herêmên Parastinê yên Medyayê di 14`ê Tîrmeha 2017`an de di berxewdana li hember êrişên dewleta Tirk a dagirker li dijî Başûrê Kurdistanê de şehîd bûye.

Merasîm li gundê Berzan ê bajarê Hesekê yê kantona Hesekê hate lidarxistin.

Di merasîm êde endama rêveberiya Meclisa Malbatên Şehîdan a Hesekê Zozan Hesekê sersaxî da malbata şehîd Azad.

Zozan têkoşîna şehîd Şaho silav kir û got: "Şehîd Şaho di şert û mercên herî dijwar de li hemberî dewleta Tirk a dagirker li ber xwe da."

Ji fermandarên Meclisa Leşkerî ya Hesekê Dêrsim Hesekê axivî û got: "Şehîd Şaho li Dirbêsiyê, Serêkaniyê, li sînorên Iraqê li hemberî DAIŞ`ê tê koşiya û têkoşîna xwe li çiyayên Kurdistanê domand heta şehîd bû."

Ji fermandarên Hêzên Ewlekariya Hundirîn Idrîs Oso soz da ku rêya şehîdan berdewam bikin ji bo ku axa Kurdistanê rizgar bikin.

Dûre endama Meclisa Malbatên Şehîdan a bajarê Hesekê wesîqeya şehadeta şehîd xwend û radestî malbatê kir.

(şx)

ANHA