Gel berê xwe dide qadên 8’ê Adarê

Li Heleb û herêmên Bakur û Rojhilatê Sûriyeyê girseyên gel berê xwe didin qadên pîrozbahiyên 8’ê Adarê.

JIN

8 adar, 2025 11:02

NAVENDA NÛÇEYAN

Li Helebê û herêmên Bakur û Rojhilatê Sûriyeyê bi boneya 8’ê Adarê Roja Jinan a Cîhanê girseyên gel diherike 5 qadên pîrozbahiyan.

Pîrozbahî dê bi dirûşma "Bi felsefeya Jin, Jiyan, Azadî ber bi Sûriyeya demokratîk ve" li Hesekê, Qamişlo, Reqa, Kobanê û Helebê werin lidarxistin.

Di vê çarçoveyê de şêniyên Qamişlo, Til Hemîs, Til Koçer, Dêrik, Tirbespiyê, Amûdê û Girkê Legê diherikin Qada Newroz a li taxa Hîmo ya bajarê Qamişloyê. Şêniyên Hesekê, Til Temir, Dirbêsiyê, Şedadê, Til Birak û Holê berê xwe didin Stadyuma Beledî ya li bajarê Hesekê. Şêniyên kantona Firatê (Kobanê, Eyn Îsa, Sirîn) diherikin Qada Şehîd Egîd a li bajarê Kobanê. Her wiha şêniyên taxên Şêxmeqsûd û Eşrefiyê yên Helebê diçin Qada Newroz a li herêma Şiqeyêf. Şêniyên Reqayê jî dê pîrozbahiyê li Staduyma Beledî bikin.

(bb)

ANHA

CIL AXA

HELEB

KOBANE

TEL TIMER