Di sala 2025’an de çi qewimî: Êriş û berxwedanî

Di sala 2025’an de dewleta Tirk a dagirker û çeteyên wê li aliyekî û li aliyekî din  jî şaneyên çeteyên DAIŞ’ê û hêzên hikumeta veguhêz êriş li dijî herêmên Bakur û Rojhilatê Sûriyeyê pêk anîn. Şervanên Hêzên Sûriyeya Demokratîk (QSD), Yekîneyên Parastina Jin (YPJ) û Hêzên Ewlekariya Hundirîn, bi piştgiriya gel bersiva êrişan dan û êriş têk birin.

Em ê di vê beşî de balê bikişînin ser êrişên di nava salekê (2025) de ku li ser herêmên Rêveberiya Xweser hatine kirin û çalakiyên bersivdayînê yên hatine lidarxistin.

Dewleta Tirk a dagirker û çeteyên wê di navîna 2024’an de êrişên dagirkirinê li ser Bendava Tişrînê û Pira Qereqozaqê û herêmên derdorê dan destpêkirin. Şervanên QSD û YPJ’ê bersiva êrişan dan.

Pêkhateyên herêmê jî ji bo parastina ax û ava xwe di nava 118 rojan de ( ji 8’ê Çileyê heya 5’ê Gulana 2025 karwan bi karwan berê xwe dida bendavê û nobet digirtin. Dewleta Tirk a dagirker û çeteyên wê dîsa bi çekên giran û dronan êrişî nobedaran kirin. Di encama êrişên li ser bendavê de rojnamevan, siyasetmedar, rêveberên saziyan, hunermend û werzîşvan jî di nav de 25 sivîl şehîd bûn û 240 jî birîndar bûn. Her wiha 102 şervanên QSD û YPJ’ê şehîdan bûn.

Di 5’ê Gulana 2025'an de, Rêveberiya Xweseriya Demokratîk a Herêma Bakur û Rojhilatê Sûriyeyê ji bendava Tirşînê daxuyaniyek da. Rêveberiya Xweser di daxuyaniyê de bidawîbûn û serketina berxwedana Bendava Tirşînê ragihand.

Bi giştî dewleta Tirk a dagirker û çeteyên dê di sala 2025’an de 629 êriş li dijî herêmên Bakur û Rojhilatê Sûriyeyê pêk anîn.

ÊRIŞÊN ÇETEYÊN DAIŞ'Ê

Tevî êrişên dewleta Tirk a dagirker û çeteyên wê jî, çeteyên DAIŞ'ê di sala 2025’an de 82 êriş li dijî herêmên Bakur û Rojhilatê Sûriyeyê kirin. Şervanên QSD’ê di çarçoveya bersivdayîna êrişan de operasyonên ewlehiyê li dar xistin. Di encaman operasyonan de 27 jê serçete, bi giştî 406 çeteyên şaneyên DAIŞ’ê hatin girtin. Her wiha 7 şaneyên çeteyên DAIŞ’ê yên ku li deverên cuda yên herêmê êriş pêk anîbûn, bêbandor kir.

ÇETEYÊN HATINE GIRTIN

Di 24’ê Sibatê de, QSD’ê serçeteyên DAIŞ’ê yên bi navên Kerîm El Nehar (berpirsê ewlehiyê yê DAIŞ'ê) û Ebdulkerîm Emîr El Kerîm El Nehar ( berpirsê 2'yemîn ê ewlehiyê) girtin. Serçeteyekî din ê berpirsyarê kiryarên terorîstî  jî hat girtin.

Di 10'ê Adarê de, QSD’ê serçeteyekî berpirsê belavkirina çekan li şaneyên DAIŞ’ê girt.

Di 20'ê Adarê de, QSD'ê çeteyekî DAIŞ’ê girt ku plan dikir di Newrozê de êrişan pêk bîne.

Di 19'ê Gulanê de,  QSD’ê çeteyekî xeternak ê şaneyên DAIŞ'ê de girt ku berpirsyarê kuştinan û plankirina êrişên xwekuj bû.

Di 11'ê Hezîranê de, QSD’ê  hejmarek çeteyên pisporên danîna bombeyan û çêkirina alavên leşkerî girt.

Di 8'ê Cotmehê de,  QSD’ê serçeteyekî şaneyên DAIŞ’ê li kampa Holê girt.

Di 1'ê Mijdarê de, QSD’ê  2 serçete girtin ku beşdarî êrişên li dijî xalên ewlehiyê û saziyên sivîl bûbûn.

Di 9'ê Kanûnê de, şervanên QSD’ê serçeteyekî DAIŞ’ê bi navê Ebû Zubêr (Semak) girt.

Di 24’ê Kanûnê de, QSD’ê li gundewarê Dêrazorê erebeyeke bombekirî bêbandor kir û şaneyeke çeteyên DAIŞ’ê ya ji 6 çeteyan pêk dihat, girt.

ÊRIŞ Û OPERASYONÊN EWLEHIYÊ YÊN QSD, YPJ Û HÊZÊN EWLEKARIYA HUNDIRÎN

Di 20'ê Çileyê de, şaneyên DAIŞ û bermahiyên rejîma Baasê êrişî bajarokên Zîban û El Tayyan ên gundewarên rojhilatê Dêrazorê kirin. Hêzên Ewlekariya Hundirîn, QSD û YPJ’ê li hemberî êrişê operasyonek ewlehiyê da destpêkirin.  Fermandariya Giştî ya Hêzên Ewlekariya Hundirîn ku di 4’ê Sibatê bi civîneke çapemeniyê encama operasyonê aşkera kir daxuyand ku 79 kesên beşdarî têkbirina ewlehî û aramiyê bûbûn hatin girtin.

Di 5'ê Nîsanê de, Hêzên Ewlekariya Hundirîn- Jin û YPJ'ê li kampa Roj operasyoneke 3 rojan dan destpêkirin. Di encamê de 16 çeteyên şaneyên DAIŞ'ê hatin girtin.

Di 18'ê Nîsanê de, Hêzên Ewlekariya Hundirîn operasyoneke ewlehiyê ji bo kontrolkirina kampa Holê li dar xist. Di operasyona 6 rojan dom kir de 20 çeteyên DAIŞ’ê hatin girtin.

Di 30'ê Tebaxê de, QSD’ê li dijî şaneyên çeteyan DAIŞ’ê "Operasyona Ewlehiya Domdar a Gelan" li dar xist. QSD’ê ragihand ku operasyonê de ku 14 saetan dewam kir de  51 çete hatin girtin

Di 3'yê Îlonê de, Hêzên Ewlekariya Hundirîn hewldana revandina 56 kesên ji malbatên çeteyên DAIŞ'ê ji kampa Holê têk bir.

Di 5'ê Îlonê de, Hêzên Ewlekariya Hundirîn û YPJ'ê bi piştgiriya QSD û Koalîsyona Navneteweyî, qonaxa 4'emîn a Operasyona "Mirovahî û Ewlehî" li kampa Holê bi armanca xurtkirina parastina kampê pêk anî. Operasyon di 6'ê Îlonê de bi girtina 11 çeteyên şaneyên DAIŞ'ê bi dawî bû.

Berbanga 1’ê Mijdarê, QSD’ê bi desteka Hêzên Koalîsyona Navneteweyî operasyoneke ewlehiyê ya berfireh li bajarê Reqayê li dijî veşartgehên çeteyên DAIŞ’ê da destpêkirin. Di encama operasyonê de 2 jê serçete, 5 çete hatin girtin.

Di 11'ê Kanûnê de, Hêzên Ewlekariya Hundirîn hewla revandina 18 jin û zarokên malbatên DAIŞ’î ji kampa Holê têk bir.

ÊRIŞÊN HIKUMETA VEGUHÊZ

Di 9'ê Adarê de, komên girêdayî hikumeta veguhêz êrişî taxa Şêxmeqsûd a Helebê kir. Hêzên Ewlekariya Hundirîn bersiv dan. Di encamê de 12 êrişkar hatin kuştin û birîndar bûn, her wiha 3 endamên Hêzên Ewlekariya Hundirîn û sivîlek birîndar bûn.

Di 6'ê Cotmehê de, hêzên hikumeta veguhêz êrişî taxên Şêxmeqsûd û Eşrefiyê kir. Hêzên Ewlekariya Hundirîn bersiva êrişî da.

PEYMANÊN BI HIKUMETA VEGUHÊZ RE

Di 10'ê Adarê de Fermandarê Giştî yê QSD’ê Mazlûm Ebdî û serokê hikumeta veguhêz a 000Sûriyeyê Ehmed El Şeri, peymanek ji 8 xalan îmze kir.

Di 1'ê Nîsanê de, Meclisa Giştî ya taxên Şêxmeqsûd- Eşrefiyê û hikumeta veguhêz peymanek ji 14 bendan îmze kir.

Di 5'ê Nîsanê de, di çarçoveya bicîhanîna benda 6'emîn a peymana 1’ê Nîsanê de QSD'ê bi alavên xwe ji taxên Şêxmeqsûd û Eşrefiyê vekişiyan û Hêzên Ewlekariya Hundirîn erkê parastina her du taxan girtin ser xwe.

Di 13'ê Nîsanê de, bendên axê yên di navbera taxên Şêxmeqsûd û Eşrefiyê û taxên din ên Helebê de hatin rakirin û bendên hevbeş ên Hêzên Ewlekriya Hundirîn ên Şêxmeqûsd û Eşrefiyê û hêzên ewlekariyê yên hikumeta veguhêz hatin danîn.

Di 22’yê Kanûnê de komên girêdayî hikumeta veghêz a Sûriyeyê bi tank û obîsan êrişî taxên Şêxmeqsûd û Eşrefiyê kir. Hêzên Ewlekariya Hundirîn-Heleb tevî şêniyan parastina taxan kirin.

BINPÊKIRIN

Hêzên hikumeta veguhêz a Sûriyeyê 145 caran peymana 10'ê Adarê binpê kir, di encamê de 10 sivîl şehîd bûn, her wiha 6 jê zarok 63 kes birîndar bûn. 

(ac/bb)

ANHA