Gelê Rojava Roja Şehîdan li pakrewangehan pêşwazî kir

Gelê Rojavayê Kurdistanê bi boneya Rojava Şehîdan, mûm li ser gorên şehîdan vêxist û diyar kir ku şehîd sembolên têkoşînê û berxwedanê ne.

ROJANE

18 gulan, 2026 22:06

NAVENDA NÛÇEYAN

Gelê bajarên Qamişlo, Hesekê, Tirbespiyê, Dêrik, Dirbêsiyê, Til Temir û Kobanê yên Rojavayê Kurdistanê bi boneya Roja Şehîdan (18 Gulan) serdana Pakrewangehên Şehîdan kir, mûm li ser gorên şehîdan vêxistin.

Di çalakiyan de malbatên şehîdan, endamên sazî û rêxistinên jinan amade bûn, li ber gorên şehîdan sekinînin û mûm vêxistin.

Beşdaran diyar kir ku ew bi metoda şehîdan û berdewama şopandina rêça wan ve girêdayî ne û fedekariyên di oxira azadî û rûmetê de dane ji bîr nakin.

Di çalakiyan de beşdaran got şehîd sembolên têkoşîn û berxwedanê ne û parastina destkeftiyên wan berpirsiyariyeke giştî ye. Her wiha hat diyarkirin ku 18'ê Gulanê di dîroka Tevgera Azadiya Kurdistanê de roja bibîranîna şehîdên ku di qonaxên cuda yên têkoşînê de canê xwe feda kirine, ye.

Çalakî bi vêxistina mûman li ser gorên şehîdan bi dawî bûn.

(fr)

ANHA

KOBANÊ

QAMIŞLO

HESEKÊ

TIRBESPIYÊ

DÊRIK

DIRBESIYÊ

TIL TEMIR