’Dewleta Tirk û PDK’ê planeke nû ya kaosê saz dikin’
Navenda Lêkolînên Stratejîk a Kurdistanê destnîşan kir ku dewleta Tirk a dagirker bi hevkariya PDK’ê re li Duhok û Hewlerê planeke nû ya kaosê ava dike û dixwaze bixe stûyê PKK’ê.
![’Dewleta Tirk û PDK’ê planeke nû ya kaosê saz dikin’](https://hawarnews.com/kr/uploads/images/202407/image_870x_66a61f2ac3496.jpg)
Navenda Lêkolînên Stratejîk a Kurdistanê der barê planeke nû ya dewleta Tirk a dagirker û PDK’ê de nûçeyek weşand. Di nûçeyê de hatiye diyarkirkirin ji bo derxistina kaosan û provokasyonan kesên ku ji aliyê MÎT û Parastin ve hatine perwerdekirin hatine erkdarkirin.
Di nûçeyê de derxistina şewatan wekî lingê yekemîn ê vê kaosê hatiye nîşandin û ev nirxandin hatine kirin "Ji bo bertekên îhtîmal ên li dijî operasyon û êrişên dewleta Tirk a dagirker derkevin bitepsînin û têkoşîna PKK’ê krîmînalîze bikin, MÎT bi hevkariya Parastinê re gelek planên kirêt tên amadekirin. Di mehên derbasbûyî de di serî de li Kerkûk û Hewlerê gelek herêm hatibûn şewitandin."
Her wiha hatiye gotin, PDK’ê ji bo planeke kaosê ya nû di Duhok, Kerkûk û Hewlerê de derbixe û PKK’ê pê tawanbar bikin, kesên ku ji aliyê MÎT û Parastin ve hatine perwerdekirin, erkdar kirin. Di dewama nûçeyê de hatiye destnîşankirin ku "Berpirsiyarên MÎT û Parastinê di 20’ê tîrmehê de li nûnertiya bi navê Kaplan a li Hewlerê civîneke ku nêzî 3 seat dom kir li dar xistine. Di çerçoveya plana kirêt a di civînê de hatiye kirin de, Wek destpêkê ji navendê li ser hin hedefên hatine diyarkirin çalakiyên sabotaj û sûîqast werin kirin. Bi van çalakiyan ji bo hem li ser gel tirsek û fikar ava bikin hem jî ji van bûyeran PKK’ê berpirsiyar were dîtin û bi vê awayî hemû hevsengiyên siyasî û leşkerî bizivrînin lehê xwe ve.’’
Li gorî nûçeyê navên kesên ku ji aliyê MÎT û Parastin ve hatine perwerdekirin û erkdarkirin wiha ne:
Hoşiyar Cerdî/ gelek ferdên malbatê bi Parastin û MÎT’ê re dixebitin.
Serbest Şêrwanî: 35 salî ye, li navenda Parastin a li Zaxo perwerdeya suîqastê ya MÎT’ê dîtiye.Erkan Hemîd: Di nava PDK’ê de wek e Mixtar Hemîd tê naskirin.
Elend Muhemed Zirarî: 38 salî ye, li navenda MÎT’ê ya li Hewlerê 40 rojan perwerde dîtiye.