Îranê rêwîtiyên hecê ber bi Sûriyeyê ve taloq kirin
Piştî êrişên Îsraîlê yên dijî balafirgehên Şam û Helebê, Îranê rêwîtiyên hecê ber bi Sûriyeyê ve heta demeke nediyar taloq kirin.
![Îranê rêwîtiyên hecê ber bi Sûriyeyê ve taloq kirin](https://hawarnews.com/kr/uploads/images/202310/101241_090545_resizer_16973891385905.jpg)
Li gorî medyaya Îranê, ji ber rewşa Xezayê û bandora şerê vê dawiyê Îranê rêwîtiyên hecê ber bi Sûriyeyê ve heta demeke nediyar taloq kirin.
Endamê Rêxistina “Hecê” Hemîd Rîda diyar kir ku taloqkirina rêwîtiyan girêdayî dozên ewlehiyê ye û destnîşan kir ku herî dawî 85 hecac ji Tehranê roja sêşemê gihaştin Şamê.
Ev gav piştî êrişa Îsraîlê ya dijî balafirgehên Heleb û Şamê û derketina wan ji xizmetê pêk tê.
Wezareta Veguhastinê ya Sûriyeyê jî ji ber heman sedemê ragihand ku hemû rêwîtiyên hewayî veguhestine balafirgeha Lazîqiyê.
Her sal ji Îran, Iraq û Lubnanê bi armanca serdana cihên pîroz ên Şîe, gelek kes serdana Sûriyeyê û bi taybet paytexta wê Şamê dikin.
Îranî herî zêde serdana Gora (Meqam) Es-Seyda Zeyneb a li Şamê dikin.
(şx/c)