Mîhrîcana Şehîd Ronahî Bawer bi dawî bû

6′emîn Mîhrîcana Şehîd Ronahî Bawer a Govendên Gelêrî li navenda Çand û Hunerê ya Aram Tîgran a bajarokê Rimêlanê yê kantona Qamişlo bi dawî bû.

Mîhrîcan di 16'ê Îlonê de bi dirûşma "Her govendek çîrokek e û her çîrokek dîrokek e" dest pê kiribû. 23 komên govendê yên ji pêkhateyên Kurd, Ereb, Suryan, Asur û Ermen ên ji Helebê û Bakur û Rojhilatê Sûriyeyê beşdar bûn.

Di roja dawîn de koma Esala ya  ji Til Hemîs govendek bi navê "Deha û Debket Çopî" pêşkêş kir ku  civatên erebî û sembola qehweya erebî nîşan da. Piştre koma Gulan Zelal a ji Rimêlanê jî govendeke tabyet bi herêma Mêrdînê pêşkêş kir, koma Şehîd Mizgîn jî bi govendekê bal kişand ser rêbazên çandiniyê di dema berê de û amûrên ku tê de dihatin bikaranîn.

Her wiha, koma Çiyayê Kurmênc a ji Efrînê bi govendekê jiyana hevbeş a di navbera pêkhateyan de û berxwedana dîrokî ya 58 rojan a li dijî dewleta Tirk a dagirker û çeteyên wê nîşan dan.

Piştre, koma Til Temirê 5 govendên folklorî pêşkêş kirin û çanda Asur û şerên li dijî wê û hevgirtina Asûriyan li dijî dagirkeriyê nîşan dan. Koma Şehîd Welat a ji Qamişloyê bi govendên xwe bal kişand ser rastiya civakê û adetên Kurdan.

Di dawiyê de komîteya amadekar a mîhrîcanê komên beşdar xelat kirin.

(mh/bb)

ANHA