Şêniyên Çelebiyê li dijî tecrîdê meşiyan

Li navçeya Çelebiyê ya girêdayî kantona Kobanê bi meşekê tecrîda girankirî ya li ser Rêber Abdullah Ocalan hat şeremzarkirin û teqezî bi berdewamkirina têkoşîna ji bo pêkanîna azadiya fîzîkî ya Rêber Abdullah Ocalan hat kirin.

NÛÇE

28 tebax, 2023 12:24

KOBANÊ

Meş ji aliyê Ciwanên Partiya Yekîtiya Demokratîk ve hat organîzekirin û bi sedan şêniyên navçeyê, endamên saziyên sivîl, partiyên siyasî tevlê bûn. Meşê ji pêşiya navenda Kongra Star a li navçeyê dest pê kir û dirûşemyên “Bê Serok jiyan nabe” hatin berzkirin.

Meşvan li çarxerêya Şehîd Gelhat rawestiyan. Li wê derê endamê Meclisa Giştî ya PYD`ê şaxê herêma Firatê Ehmed Xoce axivî. Xoce tecrîd û nameyên gefxwarinê yên dane Rêber Abdullah Ocalan şermezar kirin.

Xoce got: “Ji ber ku em xwedî li firkrên Rêber Abdullah Ocalan derketin û li dijî aliyên destdirêjiyê li herêmên me dikin têdikoşin, em bi êrişên dijwar ên dewleta Tirk a dagirker re rû bi rû dimînin. Em ê têkoşîn û berxwedana ji bo pêkanîna azadiya fîzîkî ya Rêber Abdullah Ocalan dewam bikin.”

Xoce, bêdengiya rêxistinên navneteweyî û hiqûqî li hember tecrîdê û qedexekirina hevdîtina malbatê û parêzeran, şermezar kirin.

Meş bi dirûşmeyên “Bê Serok Jiyan Nabe” bi dawî bû.

(c)

ANHA