Cenazeyê şehîd Xalid Xemîs hat veşartin

Endamên saziyên sivîl û partiyên siyasî jî di nav de, şêniyên navçeyên Til Hemîs û Til Birakê cenazeyê şervanê Hêzên Erka Xweparastinê Xalid Xemîs Heşaş li Goristana Şehîdan a li Til Hemîsê spart axê.  Xalid Xemîs Heşaş 16'ê Tebaxê di encama qezaya trafîkê de li ser rêya Til Birak-Hesekê şehîd bû.

Merasîm bi deqeyeke rêzgirtinê dest pê kir. Piştre hevseroka Meclisa Malbatên Şehîdan a Til Birakê Weed El Xilêwî axivî û bal kişand ser rola şehîdan di rizgarkirina gelan û hewldanên şikandina îradeya galên azad de. Weed El Xilêwî soza şopandina xeta şehîdan da.

Ji fermandarên Hêzên Erka Xweparastinê li Hesekê Demhat Hesekê jî got: "Em li ber mezinahiya fedakariyên şehîdên azadî û demokrasiyê em bi serbilindî û serferazî disekinin. Em soz didin ku em ê berxwedana li hemberî êrişên li ser Bakur û Rojhilatê Sûriyeyê berdewam bikin."

Piştî axaftinan wesîqeya şehadetê ya şehîd Xalid Xemîs Heşaş hat xwendin û radestî malbata wî hat kirin. Di dawiyê de cenazeyê şehîd bi dirûşman li Goristana Şehîdan a Til Hemîsê hat veşartin.

(bb)

ANHA