Li Hesekê bîranîna şehîdan

Li Hesekê 122 cangoriyên azadiyê yên di meha Tîrmehê de şehîd bûne bi merasîmekê hatin bibîranîn.

NÛÇE

31 tîrmeh, 2023 10:54

HESEKÊ

Meclisa Malbatên Şehîdan a Hesekê û ya Serêkaniyê merasîmê bîranîna 122 cangoriyên azadiyê yên meha Tîrmehê li Hola Reşo ya Hesekê li dar xist. Bi sedan şêniyên bajar, malbatên şehîdan, endamên saziyên sivîl û leşkerî beşdarî merasîmê bûn.

Endamê Meclisa Malbatên Şehîdan a Hesekê Mihemed Cewad axivî, şehîdên azadiyê bi bîr anîn û bal kişand ser têkoşîna gelê Bakur û Rojhilatê Sûriyeyê ya parastina destkeftiyên Şoreşa 19'ê Tîrmehê.

Di merasîmê de ji fermandarên Meclisa Leşkerî ya Hesekê Dêrsim Dirbas jî bal kişand ser êrişên dewleta Tirk a dagirker ên li ser Bakur û Rojhilatê Sûriyeyê û berxwedana hêzên wan a li hemberî van êrişan.

Dêrsim Dirbas got: "Em ê heta têkbirina dijmin û planên ji bo qirkirina gelên herêmê têkoşînê geş bikin."

Di dawiya merasîmê de bi rêya sînevîzyonekê wêneyên 122 şehîdan hatin pêşandan.

(bb)

ANHA