Li Til Hemîsê semînera li ser ziyanên hişbirê

Semîner ji aliyê Tevgera Ciwanên Şoreşger a Sûriyeyê û Yekitiya Jinên Ciwan ve li hola Meclisa Navçeya Til Hemîsê hat dayîn. Di semînerê de endamên Tevgera Ciwanên Şoreşger a Sûriyeyê, Yekitiya Jinên Ciwan, Meclisa Ciwanan a Partiya Yekitiya Demokratîk (PYD), endamên Meclisa Navçeya Til Hemîsê amade bûn.

Hevserokê Komîteya Ciwanan a Meclisa Navçeya Til Hemîsê Mihemed Xelîl semîner da.

Xelîl li ser sedemên organîzekirina vê semînerê got: "Madeyên hişbir ji bo jihevxistina civakan dihatin bikaranîn. Di serî de dewleta Tirk a dagirker, dijminên gelê Bakur û Rojhilatê Sûriyeyê dixwazin madeyên hişbir wekî çekekê ji bo wêrankirina civakê, di nava ciwanan de belav bikin."

Têkildarî hedefgirtina jî ciwanan Xelîl wiha domand: "Ciwan pêşeng in ku neteweyan ava dikin. Mohra ciwanan di avakirina şaristaniyan de heye. Têkbirina ciwanan tê wateya wêrankirina civakê ye."

Beşdaran di dawiya semînerê de nêrînên xwe anîn ziman û got, divê bi rêya hevgirtina ciwanan û hişyarbûna wan rê li ber berbelavbûna hişbirê bê girtin.

(fr)

ANHA