Li Firatê meşa ciwanan

Bi dehan ciwanên herêma Firatê ji bo şermezarkirina tecrîda li dijî Rêber Abdullah Ocalan meşeke bi meşaleyan li dar xist.

23 tîrmeh, 2023 18:46

KOBANÊ

Yekitiya Jinên Ciwan û Tevgera Ciwanên Şoreşger a Sûriyeyê ya Herêma Firatê ji bo şermezarkirina tecrîda li dijî Rêber Abdullah Oclaan, nameyên gefxwarinê û şermezarkirina 100 saliya Peymana Lozanê meşek bi meşaleyan li dar xist.

Meş ji Çerxerêya Selam ber bi kolna Stasyonê heta bi Qada Jina Azad a li naverasta Kobanê dest pê kir. di meşê de diruşmên "Bê serok jiyan nabe" hatin berzkirin.

/ar/uploads/files/2023/07/23/184148_msyrh-mshaal-llshbybh-fy-iqlym-alfrat-28229.webp

Ciwanên meşale û wêneyên Rêber Abdullah Ocalan hildan.

Li Qada Jina Azad meş vegerî mêtîngê, dûre endama Yekitiya Jinên Ciwan a Herêma Firatê Firyal Temê axivî û tecrîda li dijî Rêber Abdullah Ocalan û 100 saliya Peymana Lozanê şermezar kir.

Firyal diyar kir ku dijmin nikare Rêber Abdullah Ocalan ji gelê wî bi dûr bixe û heta pêkanîna azadiya fîzîkî ya Rêber Abdullah Ocalan dê ciwan têkoşîna xwe dewam bikin.

(fr)

ANHA