Cîgirê wezîrê karên derve yê Rûsyayê çi bi Esed re nîqaş kir?

Cîgirê wezîrê karên derve yê Rûsyayê Sergey Vershinin duh serdana Şamê kiribû. Vershinin di serdana xwe de bi serokê hikumeta Şamê Beşar Esed û wezîrê karên derve Feysel Miqdad re hevdîtin kiribû.

Esed di hevdîtinê de got: “Hemû hewldanên welatên rojavayî yên ji bo guhertina hewldanên dewleta Sûriyeyê yên vegerandina ewlehî û aramiyê dê bi ser nekevin.” Esed di axaftina xwe de helwesta welatê xwe li hember şerê Ukraynayê dubare kir û anî ziman ku Sûriye piştgiriyê dide Rûsyayê û hewldanên rojavayî yên dijberî Moskovê red dike.

Li gorû nûçeya rojnameya El Wetan a nêzî hikuemta Şamê, di hevdîtinê de têkiliyên Sûriye-Rûsyayê, koordîneya wan nexasim li gel geşedanên dawîn, têkoşîna li dijî “terorê” û hewldanên hevbeş ên ji bo vegerandina penaberên sûriyeyî li welatê wan, hatine nîqaşkirin.

Ev serdan çend roj piştî hevdîtina çaralî ya nûnerên wezîrên karên derve yên Sûriye, Rûsya, Îran û Tirkiyeyê ya li Astanayê, pêk tê.

Her wiha serdan rojek piştî êrişên dijwar ên Rûsyayê li djiî parêzgeha Idlibê ku di encamê de bi dehan kuştî û birîndar çêbûn, tê kirin. Ev yek nîşan dide ku di gera 20`an a Astanayê de der barê rewşa Sûriyeyê de di navbera Rûsya û Tirkiyeyê de nakokî derketine.

(c)