"Bi yekitiya xwe em ê planên dijmin têk bibin"

Bi sedan endamên saziyên sivîl û partiyên siyasî û şênî li pêşiya hola civînan a li rojavayê taxa Şêxmeqsûd a Helebê kom bûn û dest bi xwepêşandanê kir.

Di çalakiyê de endama Koordînasyona Kongra Star Fehîme Hemo axivî û got: "Dewleta Tirk a dagirker hewl dide ku bi hemû rêbazan me tune bike, lê belê ew li hember îradeya gelan têk çû."

Fehîme der barê bêdengiya navneteweyî ya li hember kiryarên dewleta Tirk a dagirker de got: "Hemû dewletên bêdeng bi Erdogan re hevkar in û destê wê di xwîna şehîdên me de ye. Lê em dê tola şehîdan hildin û li ser şopa fikrê Rêber Abdullah Ocalan em dê serkeftinê misoger bikin."

Her wiha, endamê Însiyatîfa Azadiya Rêber Abdullah Ocalan a Sûriyeyê Bedran Hemo wiha axivî: "Ji gelek salan ve em li hember êrişên dewleta Tirk a dagirker li ber xwe didin û bi saya hevgirtina xwe em têkoşînê didomînin, ev kombûn jî nîşana wê yekê dide."

Hemo wiha domand: "Tirkiye bi balafirên xwe yên bêmirov û dewletên mezin jî bi bêdengiya xwe şerê me dikin, hemiyan ji bo qirkirina me li hev kiriye, lê belê berxwedana me dê planên wan têk bibe."

Bedran soza domandina têkoşînê û şopandina rêya şehîdan heta pêkanîna azadiyê da.

(mh/şx)

ANHA