Li Reqayê şehîd Mizgîn hat bibîranîn

Navenda Kevana Zêrîn a Çanda Jinan bi dirûşma "Şehîd Mizgîn sembola jina têkoşer û hunermend e" şehîd Mzigîn bi bîr anî.

14 gulan, 2023 15:19

REQA

Bi rasthatina salvegera 31'an a şehadeta hunermenda şoreşgerî Gurbet Aydin (Hozan Mizgîn) Navenda Kevana Zêrîn a Çanda Jinan bi hevkariya Nivîsgeha Kombûna Jinan a Zenûbya ya Reqayê şehîd Mizgîn bi bîr anî.

Endamên tevger û rêxistinên jinan, partîyên Reqayê tevli çalakiya bîranînê bûn.

/ar/uploads/files/2023/05/14/133932_mydya-slyman.webp

Di çalakiyê de endama rêveberiya Navenda Kevana Zêrîn a Çanda Jinan Mîdya Silêman di şexsê şehîd Mizgîn de hemû şehîdên azadiyê bi bîr anîn.

/ar/uploads/files/2023/05/14/133914_bthynh-abdw-28229.webp

Her wiha endama rêveberiya Kombûna Jinan a Zenûbya Buseyne Ebdo axivî û destnîşan kir ku fikrê Rêber Abdullah Ocalan çareseriya herî guncew a xilasiya ji zihniyata baviksalarî ya desthilatdar e û wiha domand: "Li ku derê jina zana hebe, jiyan lê heye."

Piştî axafitinan koma Hêlîn Cûdî ya Navenda Kevana Zêrîn a Çanda Jinan berhemên xwe pêşandan. Di dawiyê de sînevizyonek têkildarî têkoşîna şehîd Mizgîn hat pêşandan.

(dm/şx)

ANHA