Li welatê Mandela konferansa li ser azadiya Rêber Ocalan

Komeke xebata Kurdî ya mafên mirovan li Afrîkaya Başûr bi hevkariya Însiyatîfa Azadiya Rêber Ocalan a Sûriyeyê li Cape Town konferansa ′Azadî ji Abdullah Ocalan re...aştî û îstîqrar li cîhanê′ da destpêkirin.

Di konferansê de kesayet û nûnerên partiyên siyasî, senkîkayên karkeran, parlamenter, kesayetên şoreşger ku li kêleka Nelson Mandela ‎beşdarî têkoşînê bûne, her wiha parêzerên Rêber Abdullah Ocalan Mazlûm Dînç, şandeyeke Însiyatîfa Azadiya Rêber Ocalan a Sûriyeyê, Rêveberiya Xweser, Partiya Yekitiya Demokratîk (PYD) û Kongra Star beşdar bûn.

KONGREYA NÎŞTIMANÎ YA AFRÎKAYA BAŞÛR: EM DESTEKÊ DIDIN TÊKOŞÎNA GELÊ KURD

Di konfransê de ku dê 2 rojan dewam bike, berdevkê Partiya Desthilat a Afrîkaya Başûr-Kongreya Nîştimanî Cameron Dugmore axivî û behsa piştgiriya azadiya Rêber Ocalan û têkoşîna gelê Kurd kir.

Dugmore bal kişand ser girîngiya geşkirina hevkariya di navbera gelê Afrîkaya Başûr û gelê Kurd de.

Dugmore destnîşan kir ku dê di hefteya bê de civîneke berfireh ji Kongreya Nîştimanî ya Afrîkaya Başûr re were lidarxistin û dê hewldanên ji bo azadiya fîzîkî ya Rêber Abdullah Ocalan werin nîqaşkirin.

(fr)

ANHA