Şervana YPJ`ê Nûpel Têkoşer hat oxirkirin

Bi sedan şêniyên kantona Qamişlo cenazeyê şervana YPJ`ê Nûpel Têkoşer li Goristana Şehîd Xebat Dêrik oxir kir.

NÛÇE

9 sibat, 2023 10:17

QAMIŞLO

Bi sedan şêniyên navçeyên kantona Qamişlo (Dêrik, Girkê Legê, Çilaxa, Til Koçer) cenazeyê şervana Yekîneyên Parastina Jin (YPJ) Sena Elî (Nûpel Têkoşer Dêrik) ji Nexweşxaneya Şehîd Hogir a Dêrikê wergirtin û ber bi goristanê ve bi rê ketin.

Li Goristana Şehîd Xebat Dêrikê, merasîma oxirkirinê bi deqeyek rêzgirtinê dest pê kir. Endamê Mecilsa Malbatên Şehîdan a Dêrikê Ciwan Elî axivî û bal kişand ser berxwedana jinan li Kurdistanê.

Şervana YPJ`ê Rojbîn Gelhat jî behsa taybetmendiyên şehîd Nûpel Têkoşer kir û got: “Nûpel nimûneya berxwedanê bû û ji bo azadiya gelê xwe têkoşiya. Em rêya şehîdan bişopînin.”

Piştre wesîqeya şehadetê hat xwendin û radestî malbata şehîd hat kirin. Cenazeyê şehîd Nûpel Têkoşer di nava tilîliyan de hat veşartin.

Li gorî daxuyaniya ku Fermandariya Giştî ya YPJ`ê vê sibehê daye, Nûpel Têkoşer di 18`ê Çileyê de li Eyn Îsayê di topbarana dewleta Tirk a dagirker de birîndar bibû, ruxmî hemû hewldanan jî di 7`ê Sibatê de şehîd bû.

(cx)

ANHA