​​​​​​​ʹEger Rûsya û Amerîkayê erkên xwe bi cih neynin bila derkevinʹ

Şêniyên Tebqayê diyar kir li hemberî êrişên dewleta Tirk a dagirker ew ê xwe biparêzin.

Welatiyê bi nav Mîlad Faris got: "Armanca dewleta Tirk a dagirker ji êrişên li ser herêmê me ew e ku projeya me ya Rêveberiya Xweseriya Demokratîk têk bibe."

Mîlad Faris bal kişand ser bêdengiya Amerîka û Rûsyayê ya li hemberî êrişên dewleta Tirk û got: "Eger erkên xwe bi cih neynin bila ji xaka me derkevin. Em ê parastina xaka xwe bikin û bêyî ku em hewcedarî hêzên derve bin, em ê bersiva êrişan bidin."

Mîlad Faris di dawiya axaftina xwe de bang li deste û rêxistinên hiqûqî kir û got "Li hemberî dewleta Tirk a dagirker destekê bidin hêzên me di tevahî qadên navneteweyî de, da ku dengê gelên azadîxwaz ragihînin ji bo ku mafên xwe yên jiyaneke aştiyane û ewle bi dest bixin."

Welatiyê bi navê Ubeyd El Nehar jî got: "Êrişên dewleta Tirk a dagirker ên bi serkêşiya dîkator Erdogan israra me ya berxwedanê, girêdana bi xakê ve û pêkanîna armancên xwe zêde dike."

Ubeyd El Nehar piştgiriya xwe bi QSDʹê re anî ziman û got: "Li hemberî van êrişan em ê piştgiriyê didin QSDʹê. Em ê bibin bedenek û welat, xak û rûmeta xwe biparêzin."

Şêniyên gundê Bênê yê Şêrawayê jî girêdana xwe ya bi xaka xwe û xeta berxwedanê ve nîşan da.

Welatiya bi navê Wîdad Mihemed diyar kir ku dewleta Tirk rojane gundê Bênê û gundên derdora wê topbaran dike û komkujiyan li dijî zarok û welatiyan pêk tîne da ku herêmê vala bike û dagirker bike.

Wîdad Mihemed got: "Bi berxwedan û têkoşînê em ê planên dagirkeriyê yên dewleta Tirk têk bibin."

Mihemed Cûma jî destnîşan kir ku ev ne cara yekemîn e ku dewleta Tirk gund dike hedef û got: "Rojane bi dehan topan li ser me dibarîne da ku berxwedana me lawaz bike."

Cûma Mihemed anî ziman ku planên dewleta Tirk a dagirker û wê têk biçin û got: "Planên dewleta Tirk a dagirker ên bi armanca lawazkirina wê têk biçin. Ji ber ku em bi xak pêşiyên xwe ve girêdayî ne."

Welatiyê bi navê Fîras Oso bêdengiya hêzên navneteweyî ya li hemberî êriş û komkujiyên dewleta Tirk şermezar kir û got: "Em ê xeta berxwedanê bidomînin. Em dev ji têkoşînê bernadin heta ku tevahî herêmên dagirkirî rizgar bikin."

(bb)

ANHA

<iframe width="560" height="315" src="https://www.youtube.com/embed/ZSc4Dv7ychU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>