NADAʹyê ji OPCWʹyê xwest ku êrişên kîmyewî lêkolînê bike

Hevbendiya Demokratîk a Jinên Rojhilata Navîn û Bakurê Efrîkayê (NADA) têkildarî êrişên kîmyewî yên dewleta Tirk a dagirker ên li ser Herêmên Parastinê yên Medyayê daxuyanî da.

NADAʹyê got: “Em piştgiriyê xwe ji bo nameya Însiyatîfa li dijî Dagirkirin û Qirkirina Jinan a ji bo Ewlehî û Aştiyê radighînin. Her wiha piştgiriyê didin hemleya jinên iraqî ya ji bo qedexekirina qada asîmanî ya Iraqê li hemberî Tirkiyê û rawestandina êrişên wê yên dijminane yên li ser serdestiya Iraqê."

NADAʹyê diyar kir ku divê komîteyeke navneteweyî ya serbixwe û pispor were avakirin da ku mijara bikaranîna çekên kîmyewî ji aliyê dewleta Tirk a dagirker ve li Başûrê Kurdistanê lêkolîn bike. Her wiha destnîşan kir ku divê hikumeta Başûrê Kurdistanê û hikumeta navendî ya Iraqê rê bidin ku rojnamevan û kesên têkildarî biçin cihê bûyerê û erkên xwe bi cih bînin.

NADAʹyê her wiha di daxuyaniya xwe de bang li OPCW`yê kir ku şandeyeke pirspor bişîne da ku çekên kîmyewî yên qedexekirî yên dewleta Tirk bi kar tîne lêkolîn bike û li gorî encamên wê hesab ji berpirsan bê pirsîn û bên darizandin.

NADAʹyê bang li hemû rêxistin û tevgerên jinan û hêzên demokratîk ên li herêmê û cîhanê kir ku helwesta xwe li hember sûcên şer û yên dijî mirovahiyê yên ku dewleta Tirk a dagirker pêk tîne, nîşan bide û li hember zulmkeran bisekine.

Tê destnîşankirin ku Însiyatîfa Têkoşîna li dijî Dagirkirî  û Qirkirina Jinan a ji bo Aştî û Ewlehiyê di 22`yê Cotmehê de nameyek ku ji OPCW, Desteya NY, rêxistinên navneteweyî û aliyên herêmî yên têkildarî re şandibû, belav kir.  Di nameyê de hat gotin: ʹʹGumanên hene ku dewleta Tirk di êrişê xwe de çekên kîmyewî yên wekî bombeyên nukleerî û fosforê li dijî Başûrê Kurdistanê bi kar tîne."

Însiyatîfê di nameya xwe de ji ber encamên xetere yên van çekan li ser sivîlan li gund û herêmên Başûrê Kurdistanê û şervanên Kurd hişyarî dabû.

(şx)