Pêkhateyên Minbicê Komploya 9ʹê Cotmehê şermezar kir

Bi diruşmeya "Bi rihê berxwedana gelên azad em ê tecrîdê bişkînin", bi hezaran şêniyên Minbicê bi hemû pêkhateyên wê Kurd, Ereb, Tirkmen û Çerkes daketin qadan û Komploya Navneteweyî ya li dijî Rêber Abdullah Ocalan şermezar kir.

Meş ji çerxerêya Karkerên Paqijiyê dest pê kir û li qada giştî ya naverasta bajar veguherî mîtingê.

Li vir endamê Komîteya Azadiya Rêber Abdullah Ocalan, Zekî Hesen Hesen axivî û got, hêzên kapîtaîst û amperyalîst ji ramanê Ocalan ditirsin, lewra komplo li dijî wî pêkanîn û zextên herî giran li ser wî dikin da ku wî ji qada şoreşgerî ya li Rojhilata Navîn derxînin.

Zekî Hesen anî ziman ku ew ê têkoşînê bidomînin heta ku azadiya fîzîkî ya rêber Ocalan pêk were.

Cîgirê hevserokatiya Meclisa Rêveber a Minbic û gundewarê wê Cûma Heyder got: " Em li vir kom bûne da ku komploya navneteweyî ya ku dewletên amperyalîst û kapîtaîst a cîhanê pêk bînîne şermezar bikin. Ev hêzên li dijî azadiyê bê westandin kar dikin da ku dengê heqîqet û azadiyê bisekinin. Em ê li qadan bin û têkoşînê xurt bikin heta ku rêbertî azad bibe."

Her wiha endama rêveber a Kombûna Zenbûya ya bajarê Minbicê Ruweyda Hinêdil komploya 9ʹê Cotmehê şermezar kir û destnîşan kir ku komplo kesayeta rêbertî yê xwediyê fikrê neteweya demokratîkir ê ku hemû pergal û dewletên kapîtalîst jê ditirsin, hedef girt.

Mîting bi diruşmeyên banga azadiya fîzîkî ya rêber Ocalan bi dawî bû.

ANHA