​​​​​​​Îlham Ehmed: Rêveberiya Xweser çareseriya yekane ye ku dê sûriyan ji desthilata dîktator xilas bike

Rêveberiya Sivîl a Demokratîk a Minbicê û gundewarê ji bo şîrovekirina geşedanên siyasî yên dawîn li Bakur û Rojhilatê Sûriyê civîneke taybet a jinan li dar xist.

Endamên sazî û komîteyên girêdayî jinan, şervanên Meclisa Leşkerî ya Jinan tev li civînê bûn ku li hola civînan a li avahiya Rêveberiya Sivîl a Demokratîk a li Minbicê li dar ketiye.

Di civînê de seroka Desteya Rêveber a Meclisa Sûriya Demokratîk (MSD) Îlham Ehmed axivî û geşedanên siyasî yên dawîn li herêmê şîrove kirin û wiha berdewam kir: “Jin ya herî zêde zirar ji êş û azaran kişandiye ku di encama şer û siyasetên pergala baviksalarî de rû dane. Her çiqas şer dijwar bibe jin zêdetir zirarê dibînin.”

Îlham Ehmed wiha domand: “Şerê heyî li dijî enerjiya dewlet û pergaln navendî yên li Rojhilata Navîn û cîhanê ne. Niha pergal xwe dispêrin pêkanîna guhertina demorkatîk di binesaziya xwe de. Ev pergal bi israr e ku siyaseta baviksalarî û navendî pêk bîne. Ji ber wê rola jinan paşguhkirî ye û li derveyî çarçoveya wan pergalan e.”

Îlham Ehmed destnîşan kir ku ev yek derfetan li pêşiya jinan diafrîne ku xwe li derveyî çarçoveya pergala baviksalarî bi rêxistin bikin û got: “Pêşketina cîhanê û teknolojiyê, derketina fikrên tevgerên demokratîk ên azadîxwazin, rê li pêşiya jinan vedikin ku veguhere hêzek û îradeyek li pêşiya siyasetên vê pergala baviksalarî bisekine.”

Her wiha Îlham Ehmed balkişand ser aloziyên heyî û got: “Ev alozî ne tenê aloziyeke herêmî yan jî xwecih e. Pergala cîhanî di nav aloziyeke kûr de ye. Hemû dewlet banga demokratiyê dikin. Ew xwedî mafên mirovan e yan jî mafên jinan e. Pirtûkan li ser mafên jinan dinivîsin. Ev dewlet bi xwe ne ku me nedîtiye ku mafên rewa didin jinan.”

Seroka Desteya Rêveber a MSD`ê Îlham Ehmed got hemû Rêveberiya Xweser wek çareseriya yekane dibînin ku dê sûriyan ji desthilata dîktator û zordest xilas bike ku dewleta Tirk wek wesîleyekê ji bo kontrolkirina çarenûsa sûriyan bi kar tîne û wiha domand: “Piştevanên vê projeyê gelek in. Jin jî roleke sereke di avakirina wê de dilîze.”

ANHA