Çalakiya konvedanê ya Saziya Olî ya Reqayê bi dawî bû

Saziya Olî ya Reqayê, bi sponseriya Kongreya Îslama Demokratîk ji bo şermezarkirina êrişên dewleta Tirk a dagirker ên li ser Bakur û Rojhilatê Sûriyê, duh konê çalakiyê li qada navenda çandê ya başûrê çerxerêya Saetê veda. Çalakî di roja duyemîn de bi dawî bû.

Di roja duyemîn a çalakiyê de endamê rêveber ê nivîsgeha navçeya Kerama yê Partiya Sûriya Pêşerojê Îbrahîm El-Hidî axivî. Îbrahîm El-Hidî diyar kir ku gelên herêmên bi QSD'ê re ne û bang li gel kir ku li hemberî dewleta Tirk a dagirker a ku hewl dide projeya osmanî zindî bike, bisekinin.

Bi navê Kongreya Îslama Demokratîk a şaxê Kobanê, Wehîda Sofiya axivî, bang li civata navneteweyî û Neteweyên Yekbûyî kir ku erkên xwe bic cih bînin, sûcên dewleta Tirk a dagirker rawestînin û qada hewayî ya Bakur û Rojhilatê Sûriyê li ber balafirên wê bigirin.

Şêx Ednan Elêwî bi navê Weqfeya Al El-Beyt a Tebqayê wiha anî ziman: “Îslam dagirkirin, kuştin û koçberkirina gelekî ferz nekiriye, îro jî Tirkiyê ku qaşo musilman e lê gotinên wê ne wek kiryarên wê ne, ew bi hemû cureyan şerê me dike.”

Di axaftinan de banga hevgirtinê li gelê herêmê hate kirin û piştgiriya bi QSD û Rêveberiya Xweser re hate nîşandan.

Piştre, endama rêveber a Nivîgeha Jinan a Saziya Olî ya Reqayê, Aya Mihemed wiha axivî: “Me ev kon vegirt da ku destnîşan bikin ku em li kêleka hêz û rêveberiya xwe ne ku xaka me ji terorê rizgar kir. Em bang li dewletên musliman û demokratîk dikin ku li kêleka Bakur û Rojhilatê Sûriyê bisekinin.”

Çalakî bi daxuyniyekê bi dawî bû. Daxuyanî ji aliyê hevserokê Saziya Karûbarên Olî ya herêma Firatê, Şêx Ehmed Arûnî ve hat xwendin.

Di daxuyaniyê de hate gotin: "Çalakiya me mîna yek dil, yek deng, yek beden û yek nêrîn e. Pêkhateyên cûda yên gel di xendaqa berxwedanê de ne."

Di daxuyaniyê de êrişên dewleta Tirk a dagirker ên li ser Bakur û Rojhilatê Sûriyê, israra wê ya koçberkirina şêniyan û guhertina demgorafîk, her wiha sûcên wê yên li dijî jinan û komkujiya li Zaxoyê hatin şermezarkirin

Di daxuyaniyê de bang li rêxistinên navneteweyî di serî de Neteweyên Yekbûyî (NY) hat kirin ku êrişên dagirkeriya Tirk ên li dijî herêmê rawestînin û qada hewayî bigirin.

Her wiha di daxuyaniyê de bang li dewletên Erebî û Komkara Erebî û Yekitiya Zanyarên Musilman hate kirin ku li hember destwerdan û binpêkirinên dagirkeriya Tirk bibin xwedî helwest.

(mh)

ANHA