Ji bo bîranîna Fermana 73’an pêşangehek hate vekirin

Ji bo bîranîna şehîdên fermanê Yekitiya Êzidiyan a Efrînê û Yekitiya Jinên Êzidî li hola navçeya Ehdas a di kantona Şehbayê pêşangeheke wêneyan vekir.

Bi dehan şênî, endamên saziyên civaka sivîl, nûnerên Rêveberiya Xweser a herêma Efrînê di pêşangehê de amade bûn.

Hevseroka Yekitiya Êzidiyan Ayşe Sîdo di pêşangehê de axivî: "Em şehîdên Fermana 73`an bi bîr tînin û dibêjin ku em ê tola wan ji dijmin hilînin.”

Her wiha li ser navê Yekitiya Jinên Êzidî Sûad Hiso jî axivî û bal kişand ser destdirêjî, firotin û hovitiya li dijî jinan.

Endamê Rêveberiya Xweser a herêma Efrînê Silêman Cafer jî destnîşan kir ku gef û êrişên dagirkeriyê berdewama Fermana 73`an e û got: “Dewlet û dijminên qirker dixwezin çanda Kurdan têk bibin û qir bikin, ji ber ku çanda Kurdan herî zêde li gel êzidiyan hatiye parastin.”

Piştî axaftinan bi kurdî, erebî û îngilîzî daxuyaniyek hate xwendin. Di daxuyaniyê de bang li civata navneteweyî hat kirin ku bi Rêveberiya Xweser nas bikin û li hemberî sûcên dagirkeriya Tirk rawestin.

(rs)

ANHA