Di salvegera yekemîn de Hevbendiya Nada banga têkoşîna hevpar li hemû jinan kir

Hevbendiya Jinan a Demokratîk a Herêmî ya Rojhilata Navîn û Bakurê Afrîkyayê (Nada), bi boneya salvager yekemîn a damezirandina xwe daxuyaniyek da.

Di daxuyaniyê de bal hat kişandin ser şer û nakokiyên li cîhanî û bandorên wê yên wêranker ên li civakan bi taybet li jinan û wiha hate gotin: "Ji malzaroka krîz û kurahiya azaran tevgerên rizgarkirinê yên jinan derketin ku karibîn jinan bînin ser meşa rizgariyê. Van tevegeran karîbûn gavên mezin biavêjin û nirxên nû li mîrateya rizgariyê ya dîrokî ji bo tevahî jinan zêde bikin. Di vê çarçoveyê de Yekîniyên Parastina Jin li Bakur û Rojhilatê Sûriyê hatin avakirin. Jinan ji bo parastina xwe û civakên xwe çek rakin û roleke çalak di têkbirina rêxistina DAIŞ a terorîst û rizgarkirina bi hezaran jinên êzidî yên hatin kirîn û firotin de lîstin. Her wiha li bajarê Rojhilata Navîn û Bakurê Afrîkyayê  bi dehan rêxistinên jinan hatin avakirin da ku jinan pêş bixin û wan bighînin rewşa civakî ya layîqî wan.

Têkoşîn û berxwedana jinan a ji bo misogeriya mafên xwe û azadiya xwe, ji aliyê civakên baviksalarî û yên desthilatdar bi tundiyeke hîn xurttir, redkirin û zextê rû bi rû dimînin. Dewleta Tirk tevahî peyman û qanûnên navneteweyî bin pê dike, bi êriş û dagirkirina herêmên ewle serdestiya dewletên cîranê bin pê dike. Dewleta Tirk li Bakur û Rojhilatê Sûriyê bi awayekî plankirî jinên siyasetmedar, şervan û rêveber  dike hedef, da ku tirsê bixe nav wan û wan neçar bike ku dev ji hêviyên xwe yên bidestxistina azadî û mafên xwe berdin.

Li gel van binpêkirinan, Îsraîl a dagirker rojane binpêkirinan li dijî jinên Filistînê dike, Tevgera Talîban bi biryarên xwe yên zilimane her roj beşekî ji rih û hebûna jinan jê dibe, armanca wê lawazkirina û xeniqandina jinan e, her wiha betalkirina rola wê di civakê de ye.

Heman demê desthilatên herêmî mîna Fas, beyara rojava, Îran û Tirkiyê bi awayekî taybe û plankirî zextê li jinan dikin."

Hevbendiya Nada bang li tevahî jinên cîhanê kir ku peywendiyên xwe xurt bikin û xebateke hevbeş pêk bînin û wiha got: "Em Hevbendiya Nada ya ku jinên Rojhilata Navîn û Bakurê Afrîkyayê kom dike, salvegera yekemîn a dameziradina xwe li xwe û li we pîroz dikin. Em bang li hemû jinan dikin ku xebateke hevpar pêk bînin û xurt bikin, destekê bidin tevahî tevgerên rizgariyê yên li Rojhilata Navîn, Bakurê Afrîka û tevahî cîhanê, li ser şopa rizgariya jinan bin heta ku pêk bînin da ku bi avakirina civakeke aştiyane, edaleta civakî û wekheviya rasteqîn û aktîv tacîdar bib."

Hevendiya Jinan a Demokratîk a Herêmî ya Rojhilata Navîn û Bakurê Afrîka (Nada),  di kongra duyemîn a jinan a li ser asta Rojhilata Navîn û Bakurê Afrîka de ku 30 û 31'ê Tîrmeha 2021'an bi diruşma "Bi yekitiya jinan em ê şoreşa demokratîk pêk bînin" hatibû lidarxistin, ava bû.

ANHA