Şêniyên Eyn Îsa li pêşiya baregeha Rûsyayê çalakiyeke protestoyî li dar xist

Bi sedan şêniyên navçeya Eyn Îsa li pêşiya mizgefta mezin a li navçeyê kom bûn û heta baregeha Rûsyayê meşiyan.

Li pêşiya baregehê ku li rojhilatê navçeyê ye, şêniyan çalakiyeke protestoyî li dar xist.

Welatiyê bi navê Hemûd El-Ismaîl ê ji navçeyê ji ajansa me re axivî û destnîşan kir ku ew li dijî berdewamkirina topbarana dewleta Tirk a dagirker li ser herêmê û bêdengiya Rûsyayê li hemberê çalakî li dar xist.

Piştre şandeyeke ku ji cîgirê hevserokatiya Girê Spî Sebrî Nebo û kesayetên êlo derbasî baregehê bûn û hevdîtin bi efserên rûs re pêk anî.

Têkildarî hevdîtinê Sebrî Nebo got efserên rûs soz daye wan ku êrişan rawestînin û nehêlin ku dubare bibin.

Piştî lihevkirina Soçî di 22`yê  Cotmeha 2019`an hêzên Rûsya û hikumeta Şamê li seranserî eniyên bi dewleta Tirk re belav bûn da ku çavdêriya agirbestê û parastina sivîlan li herêmê bikin. Lê dewleta Tirk a dagirker bi sedan caran lihevkirin binpê kir ku di encamê de zirarên madî û mirovî çêbûn. Ji dîroka lihevkirinê ve  li gundewarê Girê Spî û navçeya Eyn Îsa 23 welatî şehîd bûn û 72 jî birîndar bûn. Di nav de 41 zarok hene. Her wiha 113 mal ji ber topbaranê wêran bûn.

(şx)

ANHA