Komîteya Sazkirina Peymana Civakî civînên xwe didomîne

Di çarçoveya civînên Komîteya Sazkirina Peymana Civakî ya Rêveberiya Xweser bi sazî û yekitiyan re li dar dixe, da ku reşnivîsa peymanê şîrove bike, îro komîte li herêma Cizîrê ya Qamişlo bi desteyên Rêveberiya Xweser re û li navçeya Amûdê jî bi endamên meclis û komînan re civiya.

Ev civîn bi armanca şîrovekirina reşnivîsa Peymana Civakî ya Bakur û Rojhilatê Sûriyê, her wiha da ku her 99 made werin nîqaşkirin û li nêrîn û pêşniyarên beşdaran were guhdarkirin, têne lidarxistin.

Li Qamişlo civîn li Navenda Mihemed Şêxo ya Çand û Hunerê û bi beşdariya bi dehan endamên Desteyên Rêveberiya Xweser ên Herêma Cizîrê û Hêzên Ewlekariya Hundirîn li dar ket.

Destpêkê endamên komîteyê Asya Ebdullah, Mûwefeq Ehmed û Corcêt Bersûm reşnivîsa peymanê xwend.

Piştî xwendina reşnivîsê bi dawî bû, li nêrînên beşdaran ên têkildarî peymanê hate guhdarkirin da ku radestî Meclisa Giştî ya Rêveberiya Xweser a Bakur û Rojhilatê Sûriyê were kirin.

AMÛDE

<iframe width="560" height="316" src="https://www.youtube.com/embed/mbNPZHEPln4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Li navçeya Amûdê Komîteya Sazkirina Peymana Civakî bi meclis û komînên gundên navçeyê re civiya. Komîte ji Arya Mele Mihemed, Hikmet Hebîb û Îlham Îsa Mitlî pêk tê.

Civîna li hola Meclisa Qanûnsaz a Rêveberiya Xweser a Herêma Cizîrê ya li bajarê Amûdê li dar ket, bi beşdariya bi dehan endamên meclis û komînên gundên Topiz, Topo, Çaxir û Sinceqa Sadûn bi rê ve çû.

Piştre komîteyê reşnivîsa Peymana Civakî xwend û beşdaran bendên wê nîqaş kirin.

Hêjayî bibîrxistinê ku piştî civînên bi saziyan, meclis û komîn û desteyan re bi dawî bibe dê bi tevahiya gelê Bakur û Rojhilatê Sûriyê re jî bicivin.

(eh)

ANHA