Komîteya Sazkirina Peymana Civakî bi şêniyên  kantona Qamişlo re rûnişt

Îro Komîteya Sazkirina Peymana Civakî ya Bakur û Rojhilatê Sûriyê ji bo şîrovekirina naveroka peymanê û girtina nêrîn û pêşniyaran, li gel meclisa bajarê Qamişlo û şaredariyên wê " Girbawî û El-Tenûriyê" re civiya.

Civîn li navenda Mihemed Şêxo ya Çand û Hunerê ya li bajarê Qamişlo bi deqeyeke rêzgirtinê dest pê kir. Di civînê de endamên komîteyê Miwefeq El-Ehmed, Asya Ebdullah û Senherîb Bersûm amade bûn.

Di civînê de 99 madeyên reşnivîsa peymana civakî hatin xwendin, pêşniyar û nêrînên beşdaran hatin girtin.

DÊRIK

Di heman çarçoveyê de li Dêrikê civîn bi endamên meclisa navçeya Dêrikê û herêmên Beravê û Koçerat re hat lidar xistin. Di civînê de endamên komîteya Peymana Civakî Foza Yûsif, Aynûr Başa, Larî Murad amade bûne.

Li wir jî madeyên peymanê hatin xwendin, nêrîn û pêşniyar hatin girtin..

Endama komîteyê Aynûr Başa ji ajansa me re got: "Piştî 6 mehan ji nîqaşan, me dawî li reşnivîsa Peymana Civakî ya Bakur û Rojhilatê Sûriyê anî."

Komîteya berfireh a peymana civakî hu 158 endaman pêk dihat.

Aynûr Başa ev tişt jî anî ziman:" Komîte ji nûnerên hemû pêkhate û olên li Bakur û Rojhilatê Sûriyê, her wiha nûnerên saziyên civaka sivîl û partiyên siyasî pêk dihat, ji sedî 50 endamên wê jin bûn. "

Hêjayî gotinê ye ku Komîteya Sazkirina Peymana Civakî dê rêzecivînên xwe yên li herêmên Bakur û Rojhiltê Sûriyê bi şêniyan re ji bo şîrovekirin û nîqaşkirina naveroka Hevpeymanê dewam bike.

(şt)

ANHA