Ji bo zarokên şehîdan şahiya 4'ê Nîsanê hate lidarxistin

Bi diruşma "Rojbûna rêbertî rojbûna tevahî gelên azad e", Meclisa Malbatên Şehîdan a bajarê Tebqayê bi hevkariya Komîteya Çand û Hunerê şahiyek ji zarokan re li dar xist.

NÛÇE

3 nîsan, 2022 13:24

TEBQA

Bi boneya rojbûna rêber Abdullah Ocalan, Meclisa Malbatên Şehîdan a Tebqayê û Komîteya Çand û Hunerê şahiyek ji zarokên şehîdan re li dar xist.

Malbatên şehîdan, nûnerên Rêveberiya Sivîl a Demokratîk a Tebqayê, partiyên siyasî û meclisên leşkerî beşdarî şahiyê bûn.

Di şahiyê de endamê Meclisa Malbatên Şehîdan Ebdulhekîm El-Elî 4' ê Nîsanê li rêber Ocalan û tevahî gelên herêmê pîroz kir û got, rojbûna rêbertî rojbûna azadxwazan e.

Hevseroka Navenda Çand û Hunerê ya Tebqayê Rojşîn El-Mihemed jî bal kişand ser berxwedana rêbertî di girtîgeha Îmraliyê de û ev tişt anî ziman: "Rêber Ocalan li ber xwe dide û wê li ber xwe bide, ew e yê ku rêya azadiyê nîşanî gelan daye. Dewleta Tirk wê nikaribe roja me tarî bike."

Piştî axaftinan, koma Tebqa şanoyek pêşkêş kir, koma Efrîn jî starn û koma dîlanên folklorî yên kurdî û koma Duret El-Furat a dîlanên hunerên xwe pêşkêş kirin.

Di dawiyê de Meclisa Malbatên Şehîdan diyarî dan zarokan.

ANHA