‛Divê rêbertî bi fîzîkî azad bibe’

Meclisa Malbatên Şehîdan a Qamişloyê têkildarî derbasbûna salekê li ser qedexekirina hevdîtin û redkirina wergirtina agahiyan derbarê rewşa rêber Abdullah Ocalan de daxuyaniyek da. Daxuyanî li Goristana Şehîd Delîl Sarûxan a li Qamişloyê, ji aliyê endamên meclisê bi zimanê kurdî Vînda El-Hac û Şêrzad Remo bi erebî hat xwendin.

Daxuyanî wiha ye:

“Salek li ser qedexekirina pêkanîna hevdîtinan bi rêber Abdullah Ocalan re derbas bû, tevî ku bi dehan caran parêzer û malbata wî serdanê dikin ji bo hevdîtinê ew serdan ji aliyê dewleta Tirk a faşist ve tên redkirin. Dewleta Tirk a faşist bi rêya girankirina tecrîda li ser rêber Apo dixwaze vîna gel bişkîne.

Tevî hemû hewldanên dewleta Tirk a faşist li ser têkbirina heqîqeta gel, çand û destkeftiyan, nikarîbû sûdê ji hewldanên xwe wergire.

Em gelê Kurdistanê û bi berxwedana Newrozê ku agirê wê bi destê Kawayê Hesinkar hatibû vêxistin û ala wê bi destê Mezlûm Doxan ve hatibû rahiştin, her wiha bi agirê bedena  Zekiya Alkan hatiye vêxistin; ev yek niha rêya bi milyonan mirovan ronî kiriye. Peyama me wiha ye; em ê tekoşîna xwe li hember faşîzma Tirkiyê berdewam bikin ta serkeftinê.

Em bang li tevahî aliyên peywendîdar û rêxistinanên neteweyî yên bandorker dikin, ku zextê li dewleta Tirk a faşist bikin da ku rêbertî serbest were berdan.

Em malbatên şehîdan şopdarên rêya rêbertî û şehîdan in heta pêkanîna serkeftinê û dawîanîna dîktatoriya Erdogan.”

(sb)

ANHA