Li herêmên Bakur û Rojhilatê Sûriyê pîrozbahiyên Newrozê bi dawî bûn

Li praniya herêmên Bakur û Rojhilatê Sûriyê pîrozbahiyên Newrozê bi dawî bûn.

NÛÇE

21 adar, 2022 16:57

NAVENDA NÛÇEYAN

HESEKÊ

Li Hesekê pîrozbahiya Newrozê li devera Sedê (Bendava rojhilat) hate pîrozkirin. Di pîrozbahiyê de koma Tolhildan ên stranan û dîlanan û şano, koma Şehîd Şiyar û koma Stêrk hunerên xwe pêşkêş kirin. Her wiha hunermendên Kurd û Ereb stran gotin.

DIRBÊSIYÊ

Li gundê Çolbistan ê Dirbêsiyê Newroz hate pîrozkirin. Koma Şehîd Berçem, koma Şehîd Zîlan Kîkan û hin hunermendên Kurd stran, dîlan û şano hatin pêşkêşkirin . Newroz bi govendan bidawî bû.

TIL TEMIR

Li Til Temirê pîrozbahiya Newrozê li gundê Qesrikê hate lidarxistin. Koma Şoreş, koma Kîkan a stranan, koma Til Hemîs a dîlana, koma Jinên Ciwan, hunermend Alan Oskan, Reşad Serêkaniyê û Tariq Hisên beşdarî pîrozbahiyê bibûn.

Pîrozbahî bi govendan bidawî bû.

KOBANÊ

Di pîrozbahiyê de Cîgirê Hevserokatiya Meclisa Kantona Kobanê Ferhan Kobanê, endama Koordînasyona Kongra Star a herêma Firatê Mizgîn Xelîl û cîgirê Hevserokatiya Meclisa Rêveber a Rêveberiya Xweser a Bakur û Rojhilatê Sûriyê Hemdan El-Ebid, axivîn. Koma Çiyayê Kurmênc û hunermend Memdûh El-Şetawî staran.

Her wiha hunermed Hemê Kobanê û Ferhadê Merdê helbest vegot. Paşê koma Şehîd Yekta şano pêşkêş kir, koma ciwanên navend Baqî Xido ya Çand û Huner staran pêşkêş kir, hunermend Dîliya Îsa û koma Zîlan a Dirbêsiyê jî staran pêşkêş kir.

Di dawiyê de koma Şehîd Sînan a dîlanên folklorî dîlan gerandin.

REQA

Di pîrozbahiya li Reqayê de axaftin ji aliyê Meclisa Sivîl a Reqayê, Meclisa Leşkerî ya Reqayê, Partiya Sûriya Pêşerojê û Meclisa Malbatên Şehîdan hate kirin.

Paşê Komîteya Amadekar a Newroza 2022`an, Meclisa Sivîl û Leşkerî ya Reqayê, malbatên şehîdan, Hêzên Ewlekariya Hundirîn û Navenda Çandê xelat kirin. Di dawiyê de stran ji aliyê komên hunerî yên Efrînê, koma kelepora Reqa, koma Reqa ya hunerên gelêrî û hunermendên ji Reqa û Kobanê stran hatin pêşkêşkirin û govend hatin gerandin.

GIRKÊ GELÊ

Li Girkê Legê komên beşdar staran, şano û dîlan pêkêş kir. Newroz li gundê Helêq ê girêdayî navçeyê hate pîrozkirin. Piştî pêxistina agirê Newrozê axaftin ji aliyê TEV-DEM`ê, rûspiyên eşîrên ereban, Meclisa Malbatên Şehîdan ve hatin kirin.

Koma Niya, koma Şehîd Serhed, koma Serhildan, Hemad Xidir, koma Ereb a mûzîkê, koma dîlanên erebî, koma Şehîd Çekdar a stranan, koma Şehîd Hêvî ya şano, koma Şehba a dîlanan huner pêşkêş kirin. Hunermend Evîn Bîlal stran gotin.

Şahî bi gerandina govendê bi dawî bû.

QAMIŞLO

Şahiya Newrozê ya Qamişlo ku bi diruşma "Bi îradeya gelan em ê Newroza 2022`yan bikin Newroza azadiya serok Apo" hatiye lidarxistin bi dawî bû.

Şahî li qada gundê Hîmo yê rojhilatê bajarê Qamişlo li dar ket, tê de bi deh hezaran ji pêkhateyên Qamişlo, gund û bajarokên girêdayî wê, endamên saziyên sivîl, nûnerên ji Rêveberiya Xweser û partiyên siyasî amade bûn

Şahî bi gelek stranên folkorîk ji hêla komên Botan, Nûpelda, Weqfa Efrînê, Qidûrbek, Girbawî û Şehîd Sakîne bi dawî bû.

Her wiha koma Şehîd Welat dîlan pêşkêş kirin, Koma govendan a Suryan hatin pêşkêşkirin û koma Şehîd Osman (Bavê Teyar) şanoyek pêşkêş kir.

TIRBESPIYÊ

Çalakiyên cejna Newrozê li Tirbespiyê bi pêşandana huner, şano û stranan digel diruşmên bi banga azadiya rêber Ocalan û silavkirina berxwedana QSD’ê bi dawî bûn.

Ji saetên sibehê ve şahiya Newrozê li hawîrdora Mizgeftê ya navçeya Tirbespiyê bi pêxistina agirê Newrozê ji hêla dayikên şehîdan û beşdariya hemû pêkhateyên navçeyê ji Kurd, Ereb û Suryan dest pê kir.

Di şahiyê de gelek axaftin ji hêla QSD’ê, Meclisa Malbatên Şehîdan a Tirbespiyê û Desteya Rûspiyan a Eşîran ve hatin kirin û bang hate kirin kir ku Newroza 2022’yan bikin Newroza azadiya tevahî gelan.

Di şahiyê de gelek huner, stran û şano ji hêla koma Şehîd Xebat a stranan, koma Şehîd Sason a şanoyê û koma Laleş a govendê hatin pêşkêşkirin, her wiha hunermend Ridwan Keno û Avn Efrîn stran gotin.

Şahî bi stranên hunermend Dilo Doxan bi dawî bû.

AMÛDÊ

Li Amûdê jî şahiya Newrozê li gundê Çaxir Bazar ê başûrê navçeyê hate lidarxistin. Piştî pêxistina agir û axaftinan komên navenda çandê ya Amûdê huner û stranên xwe pêşkêş kirin. Her wiha koma Bavê Teyar şanoyek pêşkêş kir. Şêniyan di ber stranên komên Agirî, Baran Gulbihar û koma Serdem govend gerandin.

DÊRIK

Bi deh hezaran şêniyên bajarê Dêrikê û herêmên Berav û Koçeratê, Newroz li bendava Borze pîroz kirin. Piştî axaftinan komên stran, şano û govendan ên Navenda Çand û Hunerê ya Dicleyê hunerên xwe pêşkêş kirin.

Newroz bi gerandina xelekên govendê bi dawî bû.

Newrozê li Dêrikê cejna goend, şano û stranên ji hêla komên Navenda Dicle ya Çand û Hunerê ya Dêrikê ve bi dawî bûn.

Di şahiya Newrozê de bi deh hezaran şêniyên Dêrik, herêmên Berav û Koçberan li bendava Borze beşdar bûn. Piştî deqeyeke rêzgirtinê dayikên şehîdan agirê Newrozê pêxistin.

Piştî axaftin bi dawî bûn, gelek koman huner û stran pêşkêş kirin; komên Şehîd Dijwar, Cûdî ya Navenda Dicle ya Çand û Hunerê Ava Mezin a Şano, Zeriyê Bargîn a herêma Koçerat, Elfetriya ya jinan a mûzîkê û Cûdî. Her wiha hunermend Nesrîn Botan stran pêşkêş kirin.

Bi gerandina govendê li ber stranan çalakiyên Newroza 2022’yan bi dawî bûn.

HELEB

Newroza li Helebê ya bi diruşm" Bi îradeya gelan em ê Newroza 2022’yan bikin Newroza azadiy rêber Apo" bi gelek huner, stran û axaftinan bi dawî bûn.

Vê sibehê şahiya Newrozê li herêma Şiqeyêf a taxa Şêxmeqsûdê ya Helebê dest pê kir. Tê de hemû pêkhateyên taxê, Partiya Sûrî ya Neteweyî ya Civakî, komîteya Rûsiyan a Eşîran, cîgirê serokê Desteya Rêveber a MSD’ê Elî Rehmon beşdar bûn.

Di şahiyê de Hevseroka PYD’ê Ayşe Hiso, Hevserokê TEV-DEM’ê Xerîb Hiso, endamê Komîteya Rûspiyan a Helebê Elî Hesen û endama Kongra Star a Helebê Fatme Koşan axivîn, dûvre komên Navenda Hîlala Zêrîn a Çand û Hunerê hunerên xwe pêşkêş kirin.

Komên stran pêşkêş kirine, Agirî, Çiyayê Hawarê, Yekitiya Hunermendan, Ciwan, Botan a ji Koban. Her wiha hunermend Niyazî, Sumeye û Ciwan Hesen stranên xwe gotin.

Her wiha koma Kevneşopî, Ciwanên Şoreşger a Sûriyê, koma ji pêkhateya Ereb govend gerandin û şanoyek jî hate pêşkêşkirin.

Şahî bi gerandina govendê ji hêla beşdaran ve bi dawî bû.

ŞEHBA

Bi hezaran şêniyên herêma Efrînê bi diruşma "Bi vîna gelan em ê Newroza 2022'an bikin Newroza azadiya rêber APO", Newroz pîroz kir. Nûnerên partiyên ji parêzerên Sûriyê beşdarî pîrozbahiyê bûn. Ji Tevgera Guhrtin a Aştiyê Fatih Camûs, ji Partiya Demokratîk a Civakî Nîdal Fendî , Sekretêrê Giştî yê Partiya Guhertin û Ronesans Mistefa Qeleçî, Dr. Ehmed El-Durzî, ji Hemayê Lîna Dehak û Ebulsatir Mistefa, ji Şamê Ziyad Mihemed, ji Tertûsê Hesan Yûnis, ji Laziqiyê Qeyser Salih beşdarî şahiyê bûn. Piştî rêzgirtinê meşaleya Newrozê hate pêxistin. Piştre komên Tevgera Çand û Hunerê û Tevgera Hîlala Zêrîn stran pêşkêş kirin. Koma Afrînerên Hêviyê ya Komîna Sînema ya kantona Efrînê şanoyek pêşkêş kir. Her wiha Koma Çiyayê Kurmênc a dîlanan tabloyeke li ser berxwedana 58 rojan a li Efrînê û planên dagirkeran pêşkêş kir. Di pîrozbahiyê de koma Şehîd Heyfa ya Tevgera Hîlala Zêrîn stranên şoreşgerî gotin, her wiha hunermend Rêzan Bekir û Mihemed Welîd stran gotin. Koma Buhara Şehba dîlan pêşkêş kirin, koma Çiyayê Kurmênc û hunermend Îbrahîm Cemal stranên şoreşger gotin.

ANHA