Newroza Tebqayê: Şoreş dê heta pêkanîna azadiya fîzîkî ya rêber Abdullah Ocalan berdewam bike

Di şahiya Newrozê ya li Tebqayê de, şêwirmendê Rêveberiya Sivîl a Tebqayê Cahid Hesen axivî û got: "Em vê roja pîroz li rêberê mirovahiyê Abdullah Ocalan, hemû gelan û li tevgera têkoşer û şoreşger pîroz dikin ku ji beriya 50 salî ve berdewam dike û gelek serkeftin bidest xist."

Cahid Hesen ev li axaftina xwe zêde kir: "Newroz berê û niha jî şoreşa li dijî zulmê û zordestan bû. Heta gel bi tevahî azad nebe, ev şoreş dê berdewam bike."

Dûre bi navê Meclisa Leşkerî ya Tebqa endam Feyad El-Elî axivî û got: "Newroz roja rizgariya gelan û rakirina meşeleya berxwedan û azadiyê ya li dijî sîtmekaran e."

Feyad El-Elî wiha berdewam kir: “Em hêvî dkin ku Newroz roja bibe roja azadiya rêber Abdullah Ocalan, hemû girtiyên azadiyê, rizgarkirina Efrîn û herêmên dagirkirî.”

Endamê rêber ê Meclisa Malbatên Şehîdan a Tebqayê Ebdulhekîm El-Hisên jî axivî û got: "Ji bo pêkanîna jiyaneke azad, pêwîst bi fedakariyan heye. Em gelek eşiqê azadiyê ne. Îro em cejna azadiyê, serkeftinê û xilasiya ji zulmê pîroz dikin. Ev axa me ye ku bi xwîna şehîdên me hatiye avdan."

Ebdulhekîm El-Hisên di dawiyê de got: "Em ê Newroza 2022`yan bikin vejîna rojeke nû û em ê rêberê xwe Abdullah Ocalan azad bikin.”

 (eh)

ANHA