Platforma Çalakiyên Hevpar çalakiyên xwe bi dawî kirin

Platfoma Çalakiyên Hevpar ên Tevger û Rêxistinên Jinan ên Bakur û Rojhilatê Sûriyê çalakiyên xwe yên bi boneya 8'ê Adarê ku li seranserî Bakur û Rojhilatê Sûriyê bi diruşma ''Bi hev re şoreşa xwe biparêzin û xaka xwe rizgar bikin" organîze kiribû, bi dawî kir.

JIN

10 adar, 2022 14:58

QAMIŞLO

Bi boneya 8'ê Adarê Roja Jinan a Cîhanê û bi beşdariyeke girseyî ji sazî û rêxistinên jinan ên li Bakur û Rojhilatê Sûriyê şahiyek li hola Rewabî ya Qamişlo hat lidarxistin.

Di şahiyê de, li ser navê Platfoma Çalakiyên Hevpar ên Tevger û Rêxistinên Jinan endama koordînasyona Jinan a Bakur û Rojhilatê Sûriya Asya Ebdullah, li ser navê Yekitiya Jinên Suryanî Hevseroka Meclisa Rêveber a Rêveberiya Xweser a Herêma Cizîrê Nezîre Gewriye, li ser navê Kombûna Jinan a Zenbûya berdevka komûnê ya li Reqayê Xod El-Îsa axivîn û soza berdewama têkoşînê heta rizgarkirina jinan ji zihniyeta baviksalariyê da.

Piştî axaftinan komên beşdar huner, stranên folklorîk û govend pêşkêş kirin.

Kombûna Jinan Zenûbya a Reqa û Kongra Star a Helebê plaketek diyarî Platfoma Çalakiyên Hevpar ên Rêxistin û Tevgerên Jinan ên Bakur û Rojhilatê Sûriyê.

Di şahiyê de platfomê bidawîbûna çalakiyên xwe ragihand.

(fr)

ANHA