Li Şedadê ji bo derxistina PKK'ê ji "lîsteya terorê" 29500 îmze hatin komkirin

Partiya Yekitiya Demokratîk (PYD) ji bo derxistina PKK'ê ji "lîsteya terorê" pêngava komkirina îmzeyan dabû destpêkirin. PYD'ê bi daxuyaniyek encama pêngava li navçeya Şedadê eşkere kir û ragihand ku 29 hezar û 500 îmze hatin komkirin.

Daxuyanî bi amadebûna bi dehan endamên partiyê li qada meclisa navçeya hate dayîn û ji aliyê endamê rêveber ê nivîsgeha partiyê ya navçeyê Fadil El-Hisên ve hate xwendin.

Di daxuyaniyê de hate destnîşankirin ku di 13`ê Kanûna 2021`an de PYD`ê dest bi pêngava komkirina îmzeyan ji bo rakirina navê PKK`ê ji "lîsteya terorê" kiribû.

Her wiha hate diyarkirin ku nivîsgeha PYD`ê ya navçeya Şedadê 29 hezar û 500 îmzeyên şêniyên navçeyê yên Kurd, Ereb û Suryan kom kir ku banga rakirina navê PKK`ê ji "lîsteya terorê" kir.

Di daxuyaniyê de îşaret bi sedemên xistina PKK`ê di "lîsteya terorê" de hate kirin û heta gotin ew sedemên siyasî ne ji, aliyê dewletên ku dixwazin Kurdistanê dagir bikin ve, di serî de dewleta Tirk a faşîst hatiye kirin.

Di berdewama daxuyaniyê de hat gotin: "Em li navçeya Şedadê  ji bo rakirina vê partiya mezin ji "lîsteya terorê' em ê têkoşînê, çalakî û komkirina îmzeyan dewam bikin."

Di dawiyê de bang li Yekitiya Ewropa û Dewletên Yekbûyî yên Amerîkayê hate kirin ku navê PKK`ê ji "lîsteya terorê" rakin û got, PKK'ê gelek berdêl dane da ku gel bi ewlehî bijîn.

(bx)

ANHA