Meclisa Malbatên Şehîdan li Şehbayê meşek li dar xist

Meclisa Malbatên Şehîdan a herêma Efrînê li Şehbayê meşek li dar xist û hevkariya malbata Barzanî ya bi dewleta Tirk re şermezar kir.

NÛÇE

2 adar, 2022 11:41

ŞEHBA

Meclisa Malbatên Şehîdan ji bo şermezarkirina hevkariya malbata Barzanî û hevkariya wê ya bi dewleta Tirk re îro li Kampa Serdem a navçeya Ehdas a kantona Şehbayê meşek li dar xist.

Meş li pêşiya Şaredariya Gel a li gundê Til Sosin rawestî û piştre endamê Saziya Malbatên Şehîdan Hesen Birko 8`ê Adarê li hemû jinan pîroz kir û got: “Îxaneta malbata Barzanî ji bav û kalên wan ve ta roja îro tê û her tim nû dibe û zêdetir dibe. Li ser destê wan gelek şehîdên me yên ku îxanet û teslîmkarî qebûl nekirin, çêbûn.”

Hesen Birko bang li gelê Başûr jî kir û got: “Divê gelê Başûr hikumeta Barzanî rake, ew kesên zane yên di nava vê civakê de divê dengê xwe bilind bikin.”

Piştre endamê rêveber a Tevgera Ciwanên Şoreşger Reşîd Silêmen jî got: “Hemû dayikên ku dilê wan şewitî, dê sibê tola xwe ji malbata Barzanî hildin û xiyaneta wan têk bibin.”