Li Tebqayê pêngava çandina daran

Gerînendeya Jîngehê ya Komîteya Şaredariyan a Tebqayê pêngava çandina dar da destpêkirin.

NÛÇE

13 sibat, 2022 14:40

TEBQA

Gerînendeya Jîngehê ya girêdayî Komîteya Şaredariyan a Tebqayê pêngava çandina daran li deverên cûda yên bajar û gundewarên Tebqayê da destpêkirin. Pêngav dê 3 rojan dewam bike, tê payîn ku 12 hezar û 500 şitlên daran werin danîn.

Pêngav bi beşdarbûna xebatkarên Komîteya Şaredariyan û Komîteya Jinan a Tebqayê ji taxa Sêyemîn û çerxerêya Şehîd Hebûn Ereb a nêzî deriyê ketina bajar ê bakur dest pê kir.

/kr/uploads/files/2022/02/13/144524_1-1.webp

Têkildarî armancên pêngavê, hevserokê Gerînendeya Jîngehê ya Tebqayê Cemal Ebdullatîf destnîşan kir ku armanca sereke ya pêngavê vegera şînatiyê û daristanan wekî berê, ji ber ku gelek cihên şînatî hatin şewitandin û dar hatin birîn.

Ebdullatîf got, darên ku hatine çandin, sewlî, merx, çinar, xurman û darên xemilandinê û da zanîn ku dê hevkarî bi Şaredariya Gel a Tebqayê re were kirin û li 7 baxçeyên bajêr dar werin çandin.

Cemal Ebdullatîf di dawiya axaftina xwe de got: "Yek ji zehmetiyên herî zêde ku em pê re rû bi rû ne, kêmbûna çavkaniyên avê ye li piraniya cihên daristanan."

(dx)

ANHA