​​​​​​​'Divê hikumeta Şamê rewşa xwe bi gel re çareser bike'

Hikumeta Şamê rêbazeke nû ji bo sûcdarkirin gel bi kar tîne. Ji Dera heta Dêrazorê "Lihevkirinan" pêk tîne. Gelê Sûriyê nerazîbûnî nîşanî van ''Lihevkirinan'' da û gotin, ev "Lihevkirin" itîrafeke eşkere ji aliyê hikumeta Şamê ve ji bo sûdarkirina gelê Sûriyê ye.

Di vê derbarê de Sekretêrê Giştî yê Partiya Pêşketin û Guhertin a Niştîmanî ya Demokratîk Îbrahîm El-Xelîl wiha got: "Hikumeta Şamê rêbazekî nû bi navê lihevkirinên niştîmanî bikar tîne da ku cûdahiyê têxe navbera yek gelî û sîfeta teror li gelê Sûriyê ferz bike."

El-Xelîl destnîşan kir ku ''lihevkirin'' itîrafeke eşkere ji bo sûcdarkirina yekser ji aliyê kesekî ve ku girêdayî hikumeta Şamê ye.

El-Xelîl anî ziman ku ''lihevkirinên'' ku hikumeta Şamê ji Dera heta Reqa û Dêrazorê pêk bi tu awayan nayên qebûlkirin û ferzkirina sîfeta terorê li şêniyan  e.

El-Xelîl diyar kir ku ne mentiqe ku hemû welatiyên sûrî bi terorîst werin binavkirin, çêkirina ''lihevkirinan'' ji derveyî îradeya wan e û bi derbasbûna komên çete û radîkal ji herêmê re hatin kirin.

El-Xelîl da zanîn ku ev ''lihevkirin'' xwedî bandorên rasterast li gelê Sûriyê ye çi di aliyê nêz û çi dûr de be ku kes dibe xwedî bandor yan jî xwedî tecrube wek ku nav li wan tê kirin.

 ‘ÇARESERIYA YEKANE DIYALOGAN Û NASKIRINA RÊVBERIYA XWESER BIKIN‘

El-Xelîl destnîşan kir ku çareseriya yekane ji bo avakirina welatekî saxlem ew e ku diyalogan qebûl bikin û itîrafê bi Rêvberiya Xweser bikin ku nûnertiya tevahî pêkhateyên gel dike. Her wiha anî ziman ku ''çareserkirin û lihevkirinên'' ku hikumeta Şamê teşwîq dike, lîstoke da ku tevlîheviyê di nava pêkhateyên herêmê de derxîne û aloziya Sûriye kûrtir bike.

Sekretêrê Giştî yê Partiya Pêşketin û Guhertin a Niştîmanî ya Demokratîk Îbrahîm El-Xelîl anî ziman ku divê hikumeta Şamê ya ku di nava 11 salan de gel kuştin û koçber kir, rewşa xwe bi gel re çareser bike ne ku "lihevkirinan" pêk bîne.

(dm(

ANHA