Wêneyên merasîma oxirkirina 12 şehîdan li Qamişloyê

Bi hezaran şêniyên Qamişloyê li goristana Şehîd Delîl Saroxan 12 şehîdên pêngava Gurzê Gelan oxir kir.

Kurd, ereb, suryan, ermen, oldar, rewşenbîr, nivîskar, jin û mêr bi giştî tev li merasîma oxirkirinê bûn.

Cenazeyên şehîdan bi gurzên gulan û alên leşkerî ji aliyê bav, heval û zarokên şehîd ve di nav tililiyên dayîkan, hevjîn û destgirtiyên şehîdan de hatin veşartin. 

Bi gihaştina cenazeyên 12 şehîdan re, li goristanê, 12 kevok hatin firandin. Ev nîşan dide ku têkoşîna şehîdan a ji bo rûmet û azadiya gel, bicihanîna aştî û istiqrarê li herêmê pîroz e.

Dîmena ku îro li goristanê hatiye kişandin û beriya wê li Dêrik û kobanê delîla têkiliyên xurt ên di navbera pêkhateyên herêmê yên Kurd, Ereb, Suryan, Erman de ye. Her wiha li hember hewldanên parçekirina hevgirtina gelên herêmê û berxwedana gelê ku rêgeza şerê gelê şoreşger ji xwe re kiriye bingeh, peyamek e. Her wiha biratiya gelan a rastîn xuya dike.

Di merasîmê de, Kurd, Ereb Û Suyranan careke din soza berdewamkirina berxwedanê da û dê li hember hemû hewldanên têkbirina biratiya li herêmê bi ser kevin.

Di axaftinan de, hat destnîşankirin ku gelê herêmê ji bo pêkanîna ewlehiyê li ber xwe da û hîna li ber xwe dide. Hevgirtina nîştimanî, bingeha avakirina welatekî demokratîk ê azad e. Li hember têkibirina komployan yekane alternetîf şerê gelê şoreşgerî ye.

(şx)

ANHA