Partiya Sûriya Pêşerojê li Dêrazorê 2.kongreya xwe li dar xist

Rûspî, şêxên eşîran, endamên saziyên leşkerî, siyasetmedar, saziyên sivîl, partiyên siyasî, ciwan û endamên Partiya Sûriya Pêşerojê beşdarî kongreyê bûn.

Di kongre de serokê Meclisa Partiya Sûriya Pêşerojê Mihemed Receb axivî û bixêrhatina mêvanan kir û lidarxistina kongreya duyemîn pîroz kir.

Paşê perspektîfên siyasî ji aliyê berdevka Komîteya Jinan a Partiya Sûriya Pêşerojê Muna El-Hemadî ve hatin xwendin û wiha got: "Dewletên ku destwerdana aloziya Sûriyê û aloziyên Rojhilata Navîn kirine dixwazin herêmê li ser esasê olî û mezhebî parçe bikin da ku berdewama alozî û berjewendiyên xwe, misoger bikin."

Muna El-Hemadî behsa "lihevkirinên" dawî ku hikumeta Şamê li Dêrazorê û Derayê pêk anîne kir û got: "Ew hewldaneke ku bihêlin gel tesmlîm bibe. Li aliyekî din jî muxaleft bûn çete û berjewndiyên dewleta Tirk a dagirekr û Erdogan dikin, demografiya Efrîn û tevahî herêmên dagirkirî diguherin.

Muna El-Hemadî piştrast kir ku projeya Partiya Sûriya Pêşerojê di gel qonaxa heyî ya krîza Sûriyê girîng e û wiha got: "Partiya me ji ber encama tevger û xwestekên gel hate avakirin. Ji lerw re diruşma wê pirrengî, nenavendî û diyaloga sûrî-sûrî ye."

Her wiha peyamên ku ji aliyê saziyên sivîl, leşkerî, rûspî û şêxên eşîran û partiyên siyasî ve hatibûn şandin, hatin xwendin.

Paşê rewşa rêxistinî ya partiyê li Dêrazorê hate nirxandin û deriyê nîqaşê li pêşiya beşdaran hate vekirin.

Ji encamên nîqaşê, berdewama têkoşîna aştiyane, berfirehkirina girseya gel, xurtkirina xebatên rêxistinî, belavkirina armancên partiyê û pîvanên wê û destekdayîna ji partiyê re bi rêya rêbazên heyî.

Her wiha serok û meclisa nû ku ji 35 endaman pêk tê hate hilbijartin.

Di dawiyê de daxuyanî ji aliyê serokê Meclisa Partiya Sûriya Pêşerojê Samir El-Şemerî ve hate xwendin û encamên kongreyê jî tê de bûn.

(bx)

ANHA