Şehîdên Partiya Sûriya Pêşerojê li Minbicê hatin veşartin

Endamên Meclisa Partiya Sûriya Pêşerojê ya şaxê Erîma Zekeriya El-Cebar û Beşar Bekûr 12`ê Çileyê  dema ku erka xwe bi cih dianîn di êrişa kesên nanas de şehîd bûn.

Girseya gel cenazeyên her du şehîdan ji pêşiya nexweşxaneya Firatê ya naverasta bajarê Minbicê wergirgin û ber bi goristana Şehîdan a Minbicê ve bi rê ketin.

Li goristanê merasîmeke hate lidarxistin. Bi navê Meclisa Malbatên Şehîdan a Minbicê Mihemed Şêx axivî û wiha got: "Ev her şehîdên qehreman tu guneh nekiribûn, lê ji bo pêkanîna aştî û ewlehiyê li welatê xwe dixebitîn, lê destê xedirê yê dijminê biratî, azadî û aştiyê dirêjî wan kir."

Serokê Partiya Sûriya Pêşerojê Îbrahîm El-Qeftan got: "Yên ku îstiqrarê ji bo Sûriyê dixwazin bila werin diyalogan bikin da ku Sûriyekê ava bikin ku bibe navenda diyalog ne navenda qetilkirin û rihandina xwînan. Ji ber şehîdbûna van ciwanan ez diêşim. Yên bi xweda û roja îxîretê bawer e, bila bizanibe ku wê xwedayê xwe bibîne û ji ber ku sûcên ku kirine wê werin pirsîn. "

Hevserokê Meclisa Qanûnsaz a Minbicê Mihemed Elî El-Ebo  banga hevgirtinê li gelê Sûriyê kir ku "Sûriyê ber bi ewlehî, aştî û biratiyê ve bibe."

Paşê endamê Meclisa Malbatên Şehîdan a Minbicê Mihemed El-Îdo nasnameyên şehîdan xwend û radestî malbatên wan kir. Cenazeyên şehîdan bi diruşmeyên dilsoziya bi şehîdan re û tilîliyên dayikan hatin veşartin.

ANHA